Anson Kong新歌剝衫晒腹肌 透露花姐曾勸放棄唱歌改拍劇

更新時間 (HKT): 2021.04.01 20:12

MIRRRO呢期好紅,繼姜濤、柳應廷(Jer)、陳卓賢(Ian)先後有新歌出街後,日前輪到成員江𤒹生(AK)接力,新歌《黑之呼吸》食正個「黑」字,對於年初在「叱咤頒獎禮」中,失落生力軍獎項的AK,事後被影到在台下黑面,可謂十分貼切。AK指希望今次藉著新歌,能夠表達「重整」之意:「知道好多人集中喺我嘅表情上,嗰日真係單純地對自己感到失望,覺得辜負咗屋企人、身邊團隊,其實我好戥兩位隊友高興!推出《黑之呼吸》,係重整咗自己心態,今年重新出發,喺未來嘅音樂道路上,希望可以繼續增進才藝,帶更多好音樂畀大家。」

自言與「黑」有緣的AK,除了因為皮膚黝黑,亦經常被冠上「黑面」之名:「我唔笑嘅時候,個樣係比較惡,好容易被人誤解,但係只要知道自己做緊乜,咁就足夠。」 他指經理人花姐亦曾勸他放棄唱歌,全身投入去拍劇,但AK仍想在唱歌方面下苦功。「即使有可能會做錯決定,但係死喺自己手上都係無悔,哈哈!」為配合歌曲設定,《黑之呼吸》MV主打黑白風格,AK更首度在鏡頭前中空上陣,大晒健身有成的子彈腹肌,不過他卻笑言緊張:「我真係第一次露咁多肉,所以好難忘!」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner