張建聲拍古裝難抵高溫休克 戲服開窿方便小解降溫

更新時間 (HKT): 2021.04.02 16:40
張建聲在《真‧三國無双》電影版中演張飛。

張建聲在電玩改編的新戲《真‧三國無双》中飾演張飛,今日他與《真‧三國無双》電影被服裝設計師吳寶玲,去到尖沙嘴出席電影服裝展。

張建聲表示,看當日拍攝的戲服,便想起拍攝當日的苦況,他說:「齣戲大部分喺中國象山取景,當時氣溫高達40、50度,自己飾演張飛,頭場就拍醉酒打宦官,導演叫我擘大個口倒啲威士忌落嚟,拍完場動作戲,拍到頭套都甩埋,拍完之後發燒休克,要係咁食藥。」張建聲在台上透露,由於其服飾像「蛤乸衣」,而且非常侷促,導致他容易侷暈休克,兼且難於小便,他其後自行將服飾改短,又在重要部位開窿方便上廁所。

張建聲指在象山取景時,是當地最熱的時候,拍攝時不少馬匹及臨時演員暈低,他說:「由於我冇武功底子,拎住十幾磅重嘅丈八蛇矛拍攝,有一日武指叫我做一個背花動作,好彩隨行帶咗一個香港武師過去,拍之前一晚喺酒店樓下練咗一晚,經過嘅遊客以為我哋喺度賣藝。拍攝當日好大壓力,好彩拍咗幾個take就收貨。」

拍《真‧三國無双》需要應付大量動作場面,張建聲的右手曾經受傷,手腕內鑲有螺絲,令他難以靈活施展揮舞手上兵器的動作,他說:「有啲動作要夾硬做,裏面粒螺絲好似想凸出嚟,醫生都有建議做手術攞返出嚟,但係自己又唔想做大手術。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁