吳業坤入住隔離酒店首天嘆椒鹽豬扒飯 網民笑食得幾盡力

更新時間 (HKT): 2021.04.02 21:10

本月18日是吳業坤的30歲生日,坤哥在30歲來臨前夕,於去年11月到日本working holiday,最初預計在日本逗留三個月,後來因為受疫情影響, 結果一去便去了5個多月,直到昨日終於返港,入住指定的隔離酒店21日後,便可重新投入工作。

坤哥返抵香港後,他不時在社交平台上出post,落機後聽到有服務人員用廣東話叫坤哥,他坦言心情的確很複雜:「滴咗幾滴眼淚,返到嚟啦!個旅程真係完啦!不過仲要隔離,多謝你哋畀我走咁耐,遲啲先做旅遊KOL,唱歌要緊!」檢查過後,坤哥順利入住指定的隔離酒店,有fans已經準備了生果籃送到酒店為他打氣,其後他更在IG撰長文,解釋當日何解有這個決定:「你去working holiday唔做嘢咪好廢囉?反而我覺得呢個似係人生最後一個『暑假』。上年咁啱見自己29歲,所以申請亦都唔知幾時用得着,用得着嗰時都係諗住去得兩個月,不如hea吓算,點知覺得自己hea得滯,就行咗轉東京。」

坤哥又表示自己一直都無計劃太多亦沒有想太多:「工作假期點解唔可以選擇重點放喺『假期』」呢?『咁走咗去咪有好大段空白期囉?』可能係嘅。但係如果冇去到嘅話,呢世都唔會再有機會,我唔敢講人生有冇精采到,但可以肯定嘅係人生有豐富到、同有曬黑到,隔離埋就錄音了!」

不少網民留言支持坤哥這個決定,有人覺得:「忠於自己,無須太在意別人的睇法!」、「心靈充實的時光,又怎麼會是空白期呢?」而坤哥亦打算在這21日內,進行一個「隔離飯香21日挑戰」,決定幫身體排毒,嘗試168輕斷食和食得清淡,他更提議大家與一齊食得健康,之不過有網民見到坤哥今日post了「椒鹽豬扒飯!仲要炒底」的相片後,忍不住留言:「你168個8都食得幾盡力喎!」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner