Alex發情速龍VS蝦頭武林高手

更新時間 (HKT): 2021.04.02 02:00
■擔心回看自己於《Bad Acting》演出的林德信,當日即興扮演發情的侏羅紀速龍,頗有喜感。

齋talk演技,容易流於空泛,於是記者安排一個粗糙又即興的快速測試,與其說考核演技,更似整蠱二人,Alex及蝦頭也半推半就上陣,二人各自抽出兩組角色及情景卡合併演繹,Alex要扮演「發情的侏羅紀速龍」及「自以為透明的米奇老鼠」,蝦頭則扮演「愛飆高音的猩猩」及「被好友出賣的武林高手」,Olivia指Alex演繹發情的侏羅紀速龍似在檢查自己有沒有失禁,亦被蝦頭演繹遭好友出賣的武林高手逗得開懷大笑。

問入行多時的Alex與蝦頭有沒有甚麼特別沮喪的演出經驗?Alex說:「如果講流眼淚戲,我試過有次拍戲,我要打側瞓低,但被要求滴眼淚要咁樣(向上)流出嚟!」Olivia及蝦頭反問:「要違反地心吸力?」Alex說:「係真嘅,嗰一刻係好嬲嘅,呢啲係物理常識,你不如事後CG?」蝦頭亦分享對演戲的想法:「喺我細個學戲嗰陣,覺得好似要有一個公式,但有演出經驗後發現唔可以咁諗,譬如我習慣做一類角色,好多人都會搵我做差唔多嘅角色,做慣咗就會變成好似執藥咁,一有咁嘅意識,就係警號響起,你會被formula框死咗你自己,同意係要有formula,但formula不斷地變緊。」

講到框架,原來Alex與蝦頭也試過被stereotype(標籤)的情況,蝦頭最常遇到是外形局限她的戲路,令她也產生自我懷疑:「人哋對我哋嘅標籤冇得控制,但有時講嘅嘢影響到我,就會加倍留意,尤其是一啲低潮時就更加敏感,一句話『肥妹做乜戲呀?』咁我就會諗,我係咪要瘦?突然對自己好質疑,以前我會匿埋自己受晒,𠵱家會同人傾抒發自己。」Alex的stereotype則存在於現實生活中,有些文字介紹其「職業」時並非寫「歌手」或「演員」,而是被填上「林子祥兒子」,對此他說:「我無乜點理呢個標籤,星二代、邊個邊個個仔,因為嗰個係人哋畀我嘅,但係希望出面會有人,舉例嚟講,睇到呢部戲,而更了解我係一個點嘅樣創作人,因為呢部戲真係屬於我嘅表演,呢啲嘢需要累積。」

娛聞樂陪你走遍全球追星,即Like「娛果」FB 專頁!
BannerBanner