承認愛拍散拖 唔答性伴幾多 
翟威廉俾麥貝夷封鎖「我向佢Say Sorry」

更新時間 (HKT): 2021.04.02 02:00
■麥貝夷前年被拍得與翟威廉疑似拍拖,更經常一起直播夾band。

翟威廉昨日在大角嘴出席活動,對於緋聞女友麥貝夷本周一突然在Ig大鬧疑似男友「你性伴侶的數量多得驚人」,文末留下線索祝對方生日快樂,矛頭直指當日正好36歲生日的翟威廉,翟威廉昨日澄清:「我唔係麥貝夷男友,我哋從來冇拍過拖。」但就直認一直有跟不同女伴拍散拖。

日韓女仔都有

麥貝夷因和鍾一憲合唱歌《勾手指尾》為人認識,前年被拍得與翟威廉疑似拍拖,兩人更經常一起做直播夾band。翟威廉昨日為自己的日本飲料生意擺攤位,他強調從未跟麥貝夷拍拖,「但我睇個story佢唔係講佢男朋友,我就諗佢係咪講緊我?我WhatsApp佢已經封咗我,我有叫朋友叫佢澄清,但我朋友話佢回覆『唔方便』。」

翟威廉續說:「本人單身咗七年,可以話陳庭欣之後都冇拍拖,伴侶係有嘅,呢個係我嘅生活,如果真係令到人唔開心,我向佢say sorry。」問到他伴侶是指性伴侶嗎?他說:「人哋點講冇所謂,我係有拍散拖,日本、韓國女仔都有,呢個係我嘅生活模式。」

感情上好直接

事件發生後,翟威廉坦言不開心,不過當他聽到鄭秀文的《我們都是這樣長大的》,決定站出來回應事件,問他可感到指控太大、感到無辜?他說:「唔緊要,我36歲人,過多四年就四張,我嘅生活自己決定,我從來唔講大話,感情上好直接。」提到「性伴多得驚人」,他說:「我係正常人,唔好問我幾多個,我要澄清,唔係無數咁多。」

翟威廉緋聞不多,2010年選港男時認識港姐陳庭欣撻着,兩人發展地下情五年,其間他曾被拍到約會32D劉晨芝夜蒲蘭桂坊,之後有指陳庭欣主動分手。麥貝夷日前出post後,曾回覆傳媒指因遇到壞人,所以發洩難過情緒。麥貝夷自今年1月6日後,再沒現身翟威廉的直播,近日亦沒有再follow男方的Ig。

娛聞樂陪你走遍全球追星,即Like「娛果」FB 專頁!
BannerBanner