馬浚偉認受樂小姐邀請返TVB 擔任藝訓班校長望越搞越大

更新時間 (HKT): 2021.04.02 19:34
馬浚偉指樂易玲兩個月前邀請自己返TVB,擔任新一屆藝員訓練班校長。

馬浚偉、黎瑞恩、林子博與沈穎婷(Winnie)今天於尖沙嘴出席舞台劇《男人40 CEO》發佈會,宣佈將於6月11日公演。疫情下,舞台劇由去年9月延期至今年6月,馬浚偉表示不會再改期:「就算到時開得一半都一定照做,開一半都起碼蝕100萬,但冇辧法,大家都需要工作。」身兼監製、編劇、導演與主演的馬浚偉表示希望觀眾看得開心,而他也注重防疫,會每天為演員進行檢測,令他們得以安心演出,而馬浚偉與黎瑞恩也準備接種疫苗,黎瑞恩將接踵科興,而馬浚偉則要先檢查身體才決定接踵哪一種疫苗。

馬浚偉笑言黎瑞恩是伙頭大將軍,很會照顧團隊的飲食,提到他們在舞台劇中感情線的親熱程度,馬浚偉笑言大家點到即止,必要時會借位,黎瑞恩則表示自己有潔癖,未能接受過份親熱的動作,她說:「我哋唔係sell脷叠脷㗎嘛,我接受唔到!冇感情嘅話我唔可以啜落嘴到,我嘅銀幕初吻冇諗住獻出去。」就連身旁的馬浚偉也十分驚嘆。

想藝訓做到有學院級別

對於有指馬浚偉將返無綫擔任藝員訓練班的校長,他今天證實此事:「樂易玲小姐兩個月前邀請我擔任新一屆藝員訓練班校長,非常感恩,我哋都有好大嘅信念,最新消息知道今屆招募已有過千人,呢個係1年嘅project,我會負責管理同設計課程,亦都會教一部份、仲會搵好專業嘅人分享,5月尾開學,希望可以令內容更豐富,幫大家搵到出路,做得更完善,唔只係一個班,想做到學院咁有級別。」

另外,已經淡出娛樂圈的Winnie獲朋友邀請為今次舞台劇演出,她坦言現時是伸展導師與搏擊教練,提到之前有指她要到酒吧賣煙?她說:「我係香煙品牌大使,之前亦有喺馬會做過客顧服務工作,乜嘢都試吓。」她又坦言對娛樂圈已不太感興趣,現時只想揀自己喜歡做的事情來做。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner