港產片《一秒拳王》疫情下破千萬票房 周國賢恒仔開Live謝票:睇完電影繼續加油

更新時間 (HKT): 2021.04.03 13:45
(影片截圖)

港產片《一秒拳王》雖然是低成本製作,但故事夠熱血,感動人心,上映三星期,截至昨日累積1,106萬票房,成為疫市奇葩。 執導兼演出的樂隊ToNick主音趙善恆(恆仔)和男主角周國賢昨晚在網上開mini live回饋觀眾,節目中周國賢爆恆仔經常坐在一角「入定」度橋,做事非常認真,二人又自彈自唱《一》主題曲「時間的初衷」,不少fans都表示聽到想喊,大讚故事和歌曲都好感人。

周國賢和恆仔都表示沒有想過電影會有好成績,恆仔說:「點解有咁嘅舉動,因為真係一個奇蹟,短短三星期,《一秒拳王》已過一千萬票房,冇諗過,由度劇本、開拍、排練,去到上畫都冇諗過。去到兩星期前都冇諗,真係要多謝台前幕後嘅弟兄姊妹,因為唔係單單一個人可以做到,一定係成個team齊心協力先可以做到呢件事,過到呢個數目,我哋去戲院謝過好多場票,想用番我哋比較強嘅方式,就係音樂嘞,去謝票。」

周國賢亦有同感,盼復活假期能吸引更多觀眾入場睇電影,他說:「我哋專登練咗啲歌喺網上唱,向觀眾表達感謝,希望嚟緊復活節,大家可以入場感受到我哋團隊努力,睇完呢部電影攞到啲力量,繼續生活落去,繼續加油,希望大家繼續支持《一秒拳王》。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner