黃夏蕙擔任主持走訪不同界別 探討色情事業感大開眼界

更新時間 (HKT): 2021.04.03 23:27
夏蕙姨誓言不會移民。

黃夏蕙、楊峰與前亞視藝人徐寶鳳今天於灣仔為網上節目進行錄影,節目是夏蕙姨首當主持的12集特輯,內容是探討香港不同界別如色情事業、移民潮等不同話題。88歲的夏蕙姨更走訪香港的時鐘酒店,並訪問了大隻老闆,她更忍不住摸了對方胸部,夏蕙姨說:「叫我做主持都幾難㗎,我問人唔係叻,我哋去咗時鐘酒店,本來我都唔知,原來而家佈置到成個地鐵同有唔同主題吸引客人,我都好好奇。叫雞叫鴨我就知,原來有一種係鵝,係人妖。」夏蕙姨坦言見識後也大開眼界。

提到移民,夏蕙姨誓言永遠不會移民,她說:「香港係屬於我嘅,喺香港成長,我最遠都係去大陸做騷,美國都唔去,怕坐飛機。」而她又透露後天將打科興疫苗第二針,早前打第一針後身體沒有異常,打針前亦徵詢了私家醫生意見,所以不會擔心。

另外,楊峰因細菌入侵左耳導致暫時失聰,現在正接受中西合璧的治療,他說:「都擔心,睇咗醫生兩個月,醫生話好難講,好返嘅機會一半半。」而徐寶佩則透露正考慮復出。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner