點都嫁一次丨菊梓喬初戀遇騙財賤男影響擇偶條件 決搵超級靚仔做老公

更新時間 (HKT): 2021.04.03 13:31
IG圖片

現年34歲的「星夢一姐」菊梓喬(Hana),日前接受港台《舊日的足跡》訪問,向來甚少提及感情事的她,竟自爆初戀曾遇世紀賤男,還被騙財。

Hana謂因為家庭環境關係,她很小便出去工作賺錢養家,10多歲開始拍拖,Hana提到自己的愛情觀:「感覺愛情好恐怖,控制唔到,鍾意咩人,冇得迫、冇得假。」入世未深的Hana,初戀令她留下不愉快經驗:「我初戀識咗個世紀賤男,佢好多女朋友,郁手郁腳,攞晒我啲返工錢,所有節日都唔陪我。(我哋)3、4年後分手,因為有人提醒我唔好將所有夢放喺一個人身上,要創造屬於自己嘅事業,(事業係)分手後佢唔能夠帶走嘅嘢。」

有過這段陰影,Hana學會要帶眼識人,擇偶條件亦有所改變,她即開列:「我而家要搵嘅係老公!一定要高富帥,好靚仔,超級靚仔,就好似漫畫男主角一樣標緻。因為我要求越高越難搵到。」Hana自嘲無拖拍就專心工作,但她仍然覺得女生必要結一次婚:「否則唔夠完整,簡簡單單簽張紙都可以。我得34歲都唔使急,林志玲姐姐啱啱至結婚無幾耐,完全冇問題。我想就算結婚之後離婚都好,話晒都結過,當然我希望一生一世!父母嘅破裂婚姻未有影響我,因為我又唔係嫁畀我爸爸……我有信心將來可以搵到一位高山低谷都可以陪住自己嘅人,面對一切逆境捱過就好,再堅強一啲,將來一定會好嘅。」

無暇撻張景淳

Hana在2019年爆出曾跟大台處境劇《愛.回家之開心速遞》的「龔燁」張景淳拍拖,又指他們戴情侶手錶。其後張景淳被踢爆跟同劇呂慧儀密會,Hana向疑似一腳踏兩船的張景淳斬纜,她怒刪男方IG的關注

提到這段緋聞,Hana說:「話我哋戴情侶錶,當時TVB人人都戴嗰款錶。我哋識咗好耐,係打機認識嘅『機友』,又一齊去運動打拳,有好多共同朋友。當年佢有拍拖,仲經常高調拍拖。之後我入行,佢冇女朋友,但係我已經非常忙,點會有時間去經營一段愛情?」

跟何哲圖密切聯絡

熱愛音樂的Hana又在訪問中提到自己加入樂壇後,有幸遇上伯樂何哲圖(Herman),開拓了演藝事業,雖然Herman已於底2月離職,Hana還是很敬重對方,兩人至今仍有保持緊密聯絡。她謂Herman聲稱會為她做媒,物色對象,並叮囑她勿選擇圈中人做另一半。

Hana愛情未有着落,公司又有人事變動,Herman離開,曾志偉揸fit後安排何麗全執掌音樂部,Hana坦言有跟他們溝通見面,她表示曾志偉曾鼓勵她努力做好音樂。問到可擔心「一姐」地位被動搖時?入行5年的Hana自謙並非「一姐」,反而仍是新人:「我得到最受歡迎女歌星獎只係代表幕後嘅團隊領獎。當年發生咗好多事,可能公司冇人可揀,否則未必會選到我。得獎冇咩特別開心唔開心,因為我嘅開心唔係來自獎項。我更加唔會飄飄然,我細細個就最憎呢類人!」近日有玄學家指Hana的原名陳曉怡有助她事業運,但她也喜歡菊梓喬這個藝名,她希望將來可像王菲一樣用回真姓名。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner