姜濤肥胖時僅有朋友「中鋒」上月猝逝:係我親眼見佢走

更新時間 (HKT): 2021.04.03 15:37
姜濤在網上節目上憑歌悼念好友。(影片截圖)

姜濤一向說話不多,參加《全民造星》時曾透露自己只有兩個好朋友,昨晚他在網上直播透露一個不幸消息,姜濤其中一位好朋友「中鋒」Kin在上月離世,而姜濤更目擊整件事情發生,一瞬間失去好友,實在難以接受。

姜濤在節目中說:「張敬軒嘅《俏郎君》,令我諗起上個月發生一件事,令我覺得好大感觸,自己身邊一位好朋友離開咗,唔關歌詞事,係前奏令我想起個朋友。呢位朋友係我親眼見佢走,好突然發生嘅事情,我到依家都諗起佢嗰時個樣,我下一首作品,希望你喺天上可以聽到,希望你安息!」據了解,姜濤和Kin一起打籃球,Kin突然感到身體不適,姜濤立即陪對方入醫院,怎料情況急轉直下,Kin不幸猝逝。姜濤的工作沒有停過,面對喪友之痛,心情極為難過,但仍要收拾心情繼續工作,實在不容易。

姜濤曾經表示出道前WhatsApp只得兩個朋友會找他,參加《全民造星》時,姜濤便邀請Kin和另一位好朋友一齊拍片受訪,當時Kin說:「嗰時佢唔係好講嘢,淨係掛住打波,一見到籃球場就見到佢嘅存在,得閒咪撩幾句,佢都係怕怕醜醜唔係好講嘢。」姜濤接着說:「我對住佢哋係最多嘢講嘅,平時對住屋企人都冇咁多嘢講。有時我鍾意咗女仔都會問佢哋。喂,點算呀?我好鍾意嗰個女仔,又會畀個女仔啲相佢哋睇。」姜濤透露與Kin識於微時,大約8年前,當時姜濤仍是一個200磅的肥仔,性格內向沒有太多朋友,還因為肥胖遭同學排擠和欺凌;而Kin見姜濤獨自在球場,便主動跟他說話,並支持對方追夢,一齊減肥,可惜只有姜濤成功。姜濤入行後,即使外界對他有誤解,但知道Kin會明白自己,仍視Kin為最信任的好朋友。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner