薛家燕收子女神秘生日禮物 再獲Fans贈心意畫

更新時間 (HKT): 2021.04.03 12:59

薛家燕今天於九龍灣出席公開活動,現場展示了「家燕姐2.0」的吉祥物,造型跟家燕姐一模一樣,額上有她的標誌墨,十分可愛,家燕姐笑言吉祥物雖然跟自己很相像,但真人比較漂亮。家燕姐的fans送上親手繪的畫,畫中有家燕姐抱着穿牛牛裝的BB,寓意她將在牛年抱孫,令家燕姐喜上眉梢。

家燕姐被提到日前71歲生日,她開心說:「好開心!嗰晚做完《流行經典50年》返到屋企,仔女準備咗宵夜,食完到凌晨1點,佢哋就話有份禮物送畀我,好驚喜!不過而家要保持神秘,因為仲有一個儀式要做埋先。」問到是否樓契?家燕大笑說:「係就好嘞,哈哈哈!」她又大讚3子女很孝順,感到十分安慰。

講到大家認為家燕姐本身就是吉祥物,她笑說:「多謝大會選為吉祥物,今年係有任務嘅,係要推動教育,關愛社會。吉祥物係由家燕媽媽藝術中心嘅同學設計嘅,因為我本身好忙,佢就代表我去唔同活動,探訪長者關心社會,我覺得好有意義,家長自細要培養小朋友關愛其他人,對身心成長都有幫助。」問到是否送給乖孫的禮物?家燕姐說:「呢個係帶動性,對社會嘅少少貢獻同支持,喺呢個圈做咗咁耐,回蝕社會係好應該。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner