RB演唱會聚散離合有共鳴 樂迷收到「艱難但唔會放棄」

更新時間 (HKT): 2021.04.04 00:29

RubberBand昨晚在紅館舉行《RubberBand Ciao 2021 》頭場,主題是聚與散,尾聲時RubberBand唱《未來見》約定未來除口罩在廣闊的末來相見,又有唱《逆流之歌》祝福所有去或留的朋友。完場時,RubberBand四子向四面台鞠躬say ciao。

散場後,樂迷們表示收到RubberBand的訊息,陳小姐說最鍾意尾段:「差不多最尾唱《未來見》、《發現號》、《逆流之歌》等,唱《發現號》好感動,歌詞同而家好接近,即使首歌係之前嘅,但同而家時勢、政治環境因素有關。係關於聚散離合感覺,始終而家香港咁嘅環境,好多朋友離開香港,喺呢個時勢唔知點生存,覺得好有共鳴,好感觸。」

另一位樂迷陳先生說演唱會講出心聲:「領會到,最主要講我哋相聚,點樣可以藉住大家嘅連結可以一齊再相見,呢個係非常重要。最鍾意係對我哋自身最貼切嘅歌《漫長》,《未來見》,對於我哋嚟講係我哋香港人嘅歌,係講咗我哋心聲,絕對係好感動,直情有眼濕濕。」陳太太就說不會放棄:「我領會到個話題係我哋唔好放棄,會見面,最鍾意最尾一部份,encore最尾幾首,好講到自己心聲,好代表到我哋要點樣再走落去,好有共鳴,我哋都有好多朋友移民,同埋講緊嗰種艱難,但都唔會放棄。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner