八年前200磅遭同學欺凌 只得兩朋友交心 
姜濤上月親睹知己猝逝 強忍傷痛笑住開工

更新時間 (HKT): 2021.04.04 02:00

姜濤自前年參加《全民造星》奪冠以來,短短兩年半成為炙手可熱的人氣偶像。不過八年前仍是200磅肥仔的他曾遭同學欺凌,幸好在球場認識好友「中鋒」及「阿J」兩位知心友,不過姜濤上月與中鋒打籃球時,對方不幸猝逝。目擊摯友離世的姜濤近日忍住傷痛開工,在鏡頭前談笑風生,前晚他終於忍不住在直播節目中抒發愁緒,並表示希望在天上的故友能聽到他下一首歌曲作品。

人氣爆燈的姜濤,事業一帆風順,近日他與MIRROR各成員為演唱會宣傳及開騷積極備戰,上月馬不停蹄出席逾十個活動,廣告、代言接到手軟,吸金力驚人!不過,姜濤在鏡頭前對人歡笑,鏡頭後卻承受極大的傷痛,與他相識八年的好友「中鋒」突然離世。上月他相約識於微時的摯友中鋒打籃球,期間中鋒突然感到不適,姜濤立即陪他到醫院,可惜送院後依然返魂乏術,姜濤面對好友突然猝逝,傷心、難過可想而知。

直播時聲音沙啞

姜濤前晚在音樂平台直播,原本他一直都是播MIRROR隊友的歌曲,但至尾段他播出張敬軒的《俏郎君》,他突然感觸表示這首歌的前奏音樂令他想起剛離世的摯友。姜濤說︰「自己身邊嘅好朋友離開咗,唔關歌詞事,純粹自己感覺,首歌前奏令我諗起嗰位朋友。」其後他又說:「係我親眼睇住佢走,係好突然發生嘅事情,我到𠵱家都諗起佢嗰時個樣,所以我希望下一首作品,令佢喺天上聽到,希望你安息!」說時不停嘆氣,聲音有點沙啞,傷感氣氛瀰漫空氣中。

雖然面對知己在眼前猝逝,但姜濤近日依然強忍淚水,努力工作,單是上月已出席逾十個公開活動及直播,更推出自己的單曲《Master Class》及MIRROR團歌《WARRIOR》,宣傳工作繁重。上周三姜濤出席展覽開幕禮,又唱又跳,雖然期間有展露過一絲笑容,但更多時間是雙目無神,表情呆滯。而上月24日,MIRROR的12位成員在YouTube開直播,更有fans留言:「看到姜濤默默地坐在一旁,似乎滿懷心事。」不過他依然落力與成員玩遊戲,非常敬業。

姜濤前年參加《全民造星》時,曾邀請他最信任的兩位朋友中鋒及阿J上節目受訪,中鋒當時回憶大家相識經過︰「嗰陣喺維園打波時見到個肥仔,咪搵埋佢打波,後來熟咗。」姜濤指當時兩人決心一齊減肥,更笑有點肉地的中鋒減肥失敗。而在中鋒眼中,姜濤最初不愛說話︰「嗰時佢唔係好講嘢,淨係掛住打波,得閒咪撩幾句,佢都係怕醜唔係好講嘢。」

相識後打開心扉

姜濤指當年自己是個200磅肥仔,因肥胖慘遭同學欺凌,在學校未能交到朋友,感到十分孤單,因此變成內向寡言,直至認識這兩位朋友,才開始打開心窗。姜濤甚至連自己遇上心儀的女孩也會與對方分享︰「我對住佢哋係最多嘢講嘅,平時對住屋企人都冇咁多嘢講。有時我鍾意咗女仔都會問佢哋。『喂,中鋒,點算呀,我好鍾意嗰個女仔!』又會畀個女仔啲相佢哋睇。」中鋒當時即笑說︰「佢淨係畀相我睇,我點知佢係乜類型女仔啫。」其實姜濤入行初期是非不絕,一度被指整容,又被挖出他與女孩的手拖手相片,不過姜濤表示不會太上心,只要他「最信任的人」,包括中鋒等,不受閒言影響就夠,可見二人情誼非淺。

娛聞樂陪你走遍全球追星,即Like「娛果」FB 專頁!
BannerBanner