林家棟請謝賢拍戲犧牲大

更新時間 (HKT): 2021.04.05 02:00
■林家棟(左)昨晚表示叫謝賢拍戲不容易,但一切值得。

林家棟監製的電影《殺出個黃昏》昨晚在尖沙嘴舉行香港國際電影節世界首映,同場還有男主角謝賢(四哥)、鍾雪瑩、顏子菲、林雪和何雁詩等。由於四哥已年屆84歲,出入時都由家棟親自攙扶。

四哥今次肯為電影除眼鏡拍攝,他笑說:「鍾意咪除囉!」家棟指自己犧牲很大:「叫四哥拍戲唔容易,要游說佢㗎!第一次話要去四季酒店,第二次要去雪茄吧,全部我埋單,不過都係值得。」問四哥會否繼續拍戲?他笑言未死都會拍,問他的身體狀況?他說:「非常好,打得死麻雀呀!我以前用丫叉射麻雀畀爸爸食。」大前日是何雁詩與老公鄭俊弘拍拖四周年,她笑說:「佢今年大躍進,以前會送菊花、白合呢啲拜山花,但今年係送黃玫瑰,係我媽咪最鍾意嘅顏色。」

娛聞樂陪你走遍全球追星,即Like「娛果」FB 專頁!
BannerBanner