洪卓立月底返大陸搵「人仔」 無奈放愛犬到舊愛湯怡家中寄養

更新時間 (HKT): 2021.04.05 18:20

洪卓立今日為ViuTV音樂節目《Chill Club》錄影,同場還有師姐、近日復出的何嘉莉。洪卓立透露月底將會出發到大陸工作一段時間,接拍3套電影,近日忙於收拾行裝,最放不下的家中愛犬,經深思後,決交由舊愛、陀B已5個月的湯治(Kathy)照顧。

深怕愛犬傷及湯怡

洪卓立指,愛犬是以前拍拖時與Kathy一起飼養,本來是一對,已經十幾歲,其中一隻早前離世,而他今次返大陸開工,因為未知歸期,所以他要找人照顧愛犬,洪卓立說:「都唔知幾時先會返嚟,同Kathy傾咗,我離開香港會將狗仔交畀佢照顧。知道佢陀B,但我身邊好朋友又唔喺香港,而且環境上唔太放心畀其他人,佢話OK,搞唔掂就會畀老公搞,我都冇辦法……其實我都擔憂,我好驚大肚婆整親,因為狗仔好活躍,你唔知佢嘅力度係點,驚有意外。」但洪卓立又不想將已經十幾歲的愛犬隻放到狗酒店,無奈下只有拜託Kathy幫忙。

雖然如此,但洪卓立對在武漢肺炎疫情下仍有工開而感開心,對於自己何時返港,他也沒有頭緒:「有嘢就會照做或者逗留。」提到今次與師姐何嘉莉合唱經典廣東歌,洪卓立坦言有壓力,惟幸好唱歌位緊湊,演出時也沒有時間讓他緊張。

何嘉莉兼顧家庭事業感疲累

何嘉莉與洪卓立在公司不同年代出道,今日首次合作。何嘉莉將於6月推出單曲,正在籌備中,近日勤於練歌,又要照顧家庭,感到十分疲累。講到她頻頻出show,全面復出娛樂圈,何嘉莉笑說:「講到復出好老套,我覺得要做就全力去做,要離港工作都唔抗拒,但要安排時間照顧好小朋友先,雖然有工人幫手,但我鍾意自己湊小朋友多啲。」

她又指飛機師老公Gerald Sze亦支持自己工作:「佢都好忙,仲忙過我,飛行方面唔係太多需求,做緊一啲私人事業搞生意,樣樣試吓,佢嘅優勢係多時間,以前全盛時期都好多時間喺屋企,方便兩邊發展。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner