RB紅館騷 | 主音6號唱《山河故人》激動跪低爆喊 感嘆朋友Left Group沒法回到從前

更新時間 (HKT): 2021.04.05 14:39

RubberBand(RB)紅館演唱會《RubberBand Ciao 2021 》昨晚第2場演出,4子繼續穿上最具樂隊特色的服裝登場。繼首晚阿偉溫馨獻唱給女兒後,昨晚的Solo環節,輪到阿正登場,他一開口便笑說:「你哋都知我係唔出聲嗰個,訪問唔出聲,演唱會我都唔出聲,不過今次都嗌咗少少,但唔知有冇走音。噚晚阿偉唱咗首歌,但你唔好以為我會唱歌,唔好咁大期望。」

此話一出,全場起哄,阿正笑說:「你畀我講埋先,我十年嘅嘢,今日要講晒出嚟,呢首歌係我寫,不過我寫好多首歌都係諗住嗰個人,就係我老婆,佢今晚都喺度。呢首歌作嘅時候真係諗住佢,歌詞係唔係好make sense嘅英文,但係好冧冧豬,我會彈畀你聽。」最後唱出《i》專輯中的《First Date》,心情大靚的阿正唱罷更向太太送上飛吻。

除了窩心的時刻,也有揪心的一幕,6號在演唱《山河故人》時,忽然激動得跪低拍打台面,之後更哭得面容扭曲,而有份擔任和音的小肥也跟着爆喊,兩人更擊拳互相鼓勵,6號說:「其實近年好多人都left group(離開群組),好多嘢都冇得返轉頭,我自己都有個朋友係咁,所以呢首歌係感受好深。希望所有嘢都可以返轉頭,不過我哋唔係魔法師,只係識玩音樂,只能送歌畀大家。」之後他唱出了另一作品《倒行詩》,為觀眾也為自己帶來點點安慰。

觀眾的熱情,打動了RB每位成員,在音樂會上連番encore,阿偉拿起手機拍下值得紀念的一刻,又與觀眾Selfie,表現興奮,最後送上《我和你》、《夏令時間》及《Simple Love Song》,音樂會才曲終人散。

另外,如果有細心留意,會發現RB的衣服上都會以刺繡、模版等方式加上不同的歌名或歌詞,這些都是對成員有很大影響的歌曲、歌詞或圖案,例如6號外套背部就是《漫長》的歌詞,衛衣的背部則是獅子山的剪影,泥鯭身上的吊帶則見有《未來見》的歌詞。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner