Ben Sir無懼國安法 推出鼓勵字眼Tee:好適合家長式管治!

更新時間 (HKT): 2021.04.05 19:20

Ben Sir(歐陽偉豪)、「寒流女」Annabelle和黃夏蕙今日在銅鑼灣為品牌擔任一日店長,擁有35E驕人身材的Annabelle首次出席活動,吸引不少男fans到場,她表示不擔心被人不小心觸碰其身材,笑言自己身手敏捷,習慣避開,而男友雖然不在場,但亦會支持她入行。

Ben Sir透露曾與品牌合作推出「抵你老母威」T裇,他說:「你知我啲字句幾鼓勵人㗎啦!好有正能量,同埋我哋尊重長輩,好適合家長式管治。」Ben Sir還透露稍後可能再推出新款式的T裇,「我諗都係環繞嗰幾個字,嗰幾個字產生嘅微妙變化、組合都好多,5個字塞晒喺門字入面,逼到爆㗎!嗰個係X級。」他笑言大過身旁Annabelle的E級,他續說:「呢個未出,因為踩過晒啲紅線,嗰個如果出到,即係香港社會就有自由。」問他擔不擔心觸犯國安法,Ben Sir表示:「都唔驚,而家反而清晰咗,知道邊啲踩得邊啲唔踩得,有啲人唔清晰咪要教育囉!」

由於是次義務做店長,不收酬勞,全因該品牌將今日所有收益,全數捐去「台鐵路受難者家屬」,Ben Sir表示:「我有啲招數,就係嗌大聲啲『抵你老母威』。希望賣晒啲衫,我身上呢件賣埋都得,連埋簽名賣貴少少,就$1,699啦!」

至於夏蕙姨亦落力義賣,她表示自己起碼會買10件:「慈善,我一定會做。」提到有網民指這個品牌有粗口諧音,會教壞小朋友,夏蕙姨就不認同,「冇得教壞人,呢個係佢哋嘅品牌,大家盡啲綿力!」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner