【隔代鴻溝】藝人慘變Nobody

更新時間 (HKT): 2021.04.06 02:00
劉德華

不少香港藝人知名度雖甚高,但因太久未有露面,新一代未必認得出,亦經常發生藝人被錯當另一位藝人的烏龍事件。

劉德華 小學生嗌唔識

去年於電影《熱血合唱團》中扮演音樂老師嚴Sir,起用33位青少年當合唱團學生,當中一位13歲年紀最小的學生姚學智(左)竟不知劉德華是誰,他說:「其實我初初完全唔知劉德華係邊個?後來媽媽同我講佢係大明星,我先知佢真係好紅。」

鄭敬基 被誤當鄧健泓

早前已移居加拿大的鄭敬基(右),2019年仍於香港生活時在Ig自爆去屋企附近買早餐,突然有少女衝來要求握手,誰知少女以為他是方力申。事隔兩星期,鄭敬基於檳城慶祝完生日,登機時有個女人好興奮要求和他合照,可是對方叫他鄧健泓(左),最後他沒有合照。

陳庭欣 同吳若希撞臉

去年有網民在社交平台上載陳庭欣(右)與一位男士的合照,但留言指該人為吳若希(小圖):「吳若希同佢老公Alex都幾有夫妻相。」陳庭欣之後澄清:「哈哈哈哈哈!好似已經唔係第一次有網友咁寫,介紹番,我表弟Matthew。」網民發現除陳庭欣似吳若希外,陳庭欣表弟亦跟吳若希丈夫Alex有幾分相似。

許志安 踢波變杜德偉

2013年填詞人梁柏堅於微博轉發,有網友在社交網貼上與許志安(中)的合照,卻表示:「喺球場見到杜德偉(小圖)先生,不過條友好寸,叫佢杜生都唔睬人。」梁漢文之後留言湊熱鬧說:「杜生!你今日好嗎,你近來好嗎?」陳奕迅則笑言:「平時多人佢死都唔認!」

娛聞樂陪你走遍全球追星,即Like「娛果」FB 專頁!
BannerBanner