6號@RB紅館跪地爆喊

更新時間 (HKT): 2021.04.06 02:00
■6號前晚突然跪地崩潰爆喊,更指近年好多人離群,「好多嘢都冇得返轉頭」。

樂隊RubberBand前晚在紅館舉行「Ciao 2021」演唱會第二場,桌球手吳安儀、林奕匡、袁富華及駱振偉與太太等現身支持。主音6號演唱《山河故人》時,忽然激動得跪地拍打台面,哭得面容扭曲,擔任和音的小肥亦跟着爆喊,兩人擊拳互相鼓勵,6號表示:「其實近年好多人都left group(離開群組),好多嘢都冇得返轉頭,我自己都有個朋友係咁,所以呢首歌係感受好深。希望所有嘢都可以返轉頭,不過我哋唔係魔法師,只係識玩音樂,只能送歌畀大家。」之後他就唱出《倒行詩》。

一向甚少說話的結他手阿正,前晚在solo時間,唱出《First Date》,他在台上說:「呢首歌係我寫,不過我寫好多首歌都係諗住嗰個人,就係我老婆,佢今晚都喺度。呢首歌作嘅時候真係諗住佢,歌詞唔係好make sense嘅英文,但係好冧冧豬。」之後更向太太尚羚送上飛吻。

娛聞樂陪你走遍全球追星,即Like「娛果」FB 專頁!
BannerBanner