ViuTV五周年台慶丨梁祖堯捲姜濤鬧Fans糾紛成箭靶 見證MIRROR成長落淚

更新時間 (HKT): 2021.04.06 20:46

姜濤鬧fans之亂」發酵數天,事件主角MIRROR及梁祖堯(阿祖)今日一起出席ViuTV五周年台慶活動,MIRROR解畫是為了不影響拍攝節目才出言勸退跟拍的fans,卻搞到班fans、尤是是「姜糖」嬲嬲豬。在事件中被指反拍fans犯眾怒的梁祖堯則指:「預咗一定有呢個結果。」

節目出街見真相

對於有周刊報道指同場的梁祖堯反拍fans,問到MIRROR覺得是否有需要時,他們解釋指因為節目是個真人騷,原則上節目組在任何時候,除咗去廁所同換衫,長時間都有部cam對着自己,而今次都一樣,節目組想即時紀錄他們身邊發生的所有事情,但MIRROR強調早已答應fans,就算他們拍到都絕對不會剪任何一個有fans的鏡頭出街,所以都希望大家不要再擔心。

阿祖受訪時稱,不覺今次是無妄之災,他說:「其實大家都預咗一定有呢個結果,但係佢哋(MIRROR)都講咗呢個唔係設計嘅環節,我自己完全冇hard feeling,坦白講,嗰啲係佢哋嘅fans,如果佢哋有啲乜嘢,其實影響唔到我。我而家都40幾年人,如果呢啲都搞到我唔開心就儍啦!其實最後播出街,大家就會知啦,一出街,啲fans就知道自己咁樣係唔啱嘅,因為一來帶嚟危險,二來你見到佢哋12個仔嘅成長……」此時,阿祖流下「媽媽的眼淚」:「我喊就梗㗎喇!我冇諗過MIRROR佢哋會咁投入呢件事,佢哋有冇講自己喊?佢哋冇劇透。」

教完《造星》再教MIRROR

提到新節目《調教你MIRROR》,阿祖透露之前因為台前幕後都好喜歡《調教你男友》,有人提議拍第二輯《調教你女友》時,但他認為難以要一班女仔放下身段去拍,效果未必好睇,最後因為他有份在《全民造星III》中幫手教參賽者,最後促成今次節目的誕生。阿祖指:「花姐(MIRROR經理人黃慧君)有問我拍一個節目,原本係《MIRROR GO》,有個期拍嘅,花姐就寫咗出嚟,佢睇到(教)A組之後,就有新嘅諗法,好想12個仔「調教」吓呢樣嘢,咁我就話不如喺呢個期做呢件事,啱啱我又完咗舞台劇。」

起初花姐問他對節目會否有信心時,他也指有沒有信心也不是自己能夠控制到,但他承諾會用真心去認識12個仔,他說:「開頭我覺得可能有啲人會難搞啲嘅,例如Ian(陳卓賢)啦,cool啲嘛,大家感覺係有距離啲、抽離啲,頭兩日真係,跟住我哋成個攝製隊都冇諗過Ian係喊得最勁嗰個。當做啲練習時或者傾啲偈,其實每個人都有流真心眼淚,唔係為節目效果,傾到嗰度自然發生。」

阿祖跟MIRROR講,大家是盲婚啞嫁回來,12人性格和年紀都有所不同,若果是好朋友去參加比賽而大紅大紫是另一個故仔,相反他們是不同組別,是公司將他們組成一個組合,事實上他們從未好好去相處過,過去兩年半是一直工作,今次這個機會是一個好時機,可以令他們互相認識、尊重及愛大家。

否認惡對Fans

之後將會繼續有外景拍攝,但阿祖表示不會再擔心有類似上次拍攝被阻礙情況出現,因為自從MIRROR跟fans溝通後,fans都非常聽話,再沒有出現。網上有指阿祖當時對fans非常惡,阿祖心平氣和說:「我邊有惡過啫?都唔關我事,我都冇出去講,我揸住部機係做live畀花姐睇,花姐都要睇住,我用自己電話播住畀花姐睇,花姐都要聽住佢哋講乜,如果有乜嘢都要諗點拆。」對於花姐及MIRROR向他道歉,阿祖完全不明白道歉的理由,因為自覺整件事對他無影響:「如果話部Go Pro影住班fans,我嗰刻都唔知班fans唔想上鏡,但個問題係個鏡頭一路都係圍住大家,如果唔想上鏡,咪行開啲;如果一路拍住係呢個距離,你又一路跟住。」

阿祖指當日沿途有好多電話一路近距離拍攝住他們,但他不明為何同一個角度,而MIRROR又不是望着他們,為何他們不用一部電話拍攝,然後再大家分享,若果大家覺得被一直拍會感到不舒服,為何又近距離影着12仔拍攝工作,其實彼此也會有這種被拍而不舒服的感受。最後阿祖表示不想當今次節目是一項工作去做,也沒有想過可能跟12仔成為朋友,現時拍攝到第6日,會繼續拍攝,暫定6月播放。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner