RB個唱插曲丨盧巧音巧遇撞樣何韻詩 陳強阿Bu分不清被網民笑「勾二嫂」

更新時間 (HKT): 2021.04.06 14:33

「Ciao」代表你好或再見,RubberBand連日在紅館舉行個唱,每晚Solo部份由台上許多人走下一個走下又一個,最後RubberBand成員中只有一個人,留在台上Solo,主題正正貼近港人心聲,在疫情下香港近年再次掀起移民潮,身邊朋友或同事紛紛討論「去留」,跟朋友道別變成常態,機場看着好友上機,心裏卻是無限的祝福。

昨晚舉行第三場,Solo部份換上6號,他與隊友先唱過《心照一生》及《Hello?》,獲得阿正、 阿偉及泥鯭輪流大力擁抱後,他就獨自留在台上,講出去年3月經歷喪母之痛的自白,「正正因為一個關於Ciao嘅音樂會,自己特別多感觸。我係一個唔叻去面對離別嘅人,一直喺面對離別呢個課題需要好多人Support我體諒我」,6號邊說邊開始哽咽稍作停頓,觀眾見狀即拍掌鼓勵,「我會想寫多啲嘢,有時朋友話我無病呻吟,但通過寫文、出post、彈琴玩音樂,去紀念返一啲你愛嘅人,係一個過程」。

6號稱希望透過寫歌去悼念媽媽:「我覺得呢個做法可以有好大力量,因為湊到你咁大嘅呢個女性,其實喺城市裏面冇人會記得佢,唯有通過寫歌去記低佢,分享畀多啲朋友知,包括喺泰國嘅朋友,佢嚟唔到,但我知佢會睇到。」6號又指過去寫這類題材時,一落筆就會爆喊寫不到,他感謝當時女友即現在的老婆Tim為他寫出心聲,之後他唱出《M.A.M.A.》。

完成獨唱部份,6號心情變得放鬆,更不時與觀眾互動大合唱《發現號》和《未來見》,到Encore時段,6號對於因太緊張獨唱部份而未有唱好《Hello?》這首歌耿耿於懷,決定再唱一次,結果讓他「一雪前恥」唱出高水準,令昨晚音樂會完美落幕。

撞樣藝人睇到好亂

盧巧音昨晚跟老公Sammy一起睇騷,原來她當日撞到何韻詩。二人由出道開始一直被指撞樣,絕對同「許生杜生」有得fight,盧巧音在IG貼出合照兼寫道:「對上一次可以咁攬住影相已經係20年前嘅事。」笑稱「Long time no see」同「Long time no hug」,不少網民見到合照都笑她們戴口罩都好似樣。

講起疑似「撞樣」還有陳強同阿Bu,事緣日前阿Bu跟女友利君牙睇RB個唱,當時有媒體認不出阿Bu,反而認錯相中人就是「陳強」,令陳強被網民笑他「勾二嫂」,昨晚陳強搞笑為此事解釋:「我想澄清,幾樣衰嗰個係阿Bu,勁樣衰先係陳強。」他笑言完全估到攝影師之間的對話,大概問「100毛嗰條友叫咩名?」,講出特徵「矮、戴眼鏡、幾樣衰」,相信對方答「陳強!」因此才擺出烏龍。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner