做《聲夢》導師自封組員奶爸 被嘲抄《造星》
李克勤Out咗 00後參賽者:唔知佢乜名

更新時間 (HKT): 2021.04.06 02:00

現年53的李克勤最近為無綫節目《聲夢傳奇》擔任參賽者的指導,不過前晚在《聲夢前傳》中出場時,有15歲的參賽者詹天文問︰「邊個嚟㗎?」旁邊參賽者答「李克勤」後,詹天文再說︰「真係唔識佢。」另一位14歲的參賽者姚焯菲則說︰「認得佢個樣,但唔知佢叫乜名。」看來兩位00後的參賽者,對入行35年的李克勤毫無印象。克勤又自認「奶爸」,向組員提意見和指導,如跟ViuTV《全民造星III》導師梁祖堯和林二汶被組員稱作爸爸媽媽一樣。

早前曾志偉以副總經理身份回歸無綫,負責綜藝節目的余詠珊即被削權,其丈夫星夢娛樂行政總裁何哲圖二月亦已離任,有傳由何哲圖和余詠珊聯手炮製的選秀節目《聲夢傳奇》會被抽起煞停,不過節目最終只是延後一個月播出,前晚推出前奏節目《聲夢前傳》,節目中曾志偉更親自現身見15名參賽者,講出安排︰「好多人咪話呢個show會唔做嘅,係真嘅!」令一眾參賽者目瞪口呆,不過他立即解畫說︰「係唔會喺呢個禮拜做!」 所有人即時表現鬆一口氣,志偉跟住鼓勵大家,叫他們好好享受今次比賽。

「記得爹哋成日聽佢啲歌」

其後主持人森美亮相,並介紹擔任指導的李克勤出場,眾參賽者一見神秘嘉賓現身均表現雀躍,但節目此時剪出事後訪問片段,19歲的文凱婷說:「發夢嘅時候我見到G.E.M.(鄧紫棋),冇諗過會見到李克勤。」看似有點失望。鏡頭回到現場,坐在前排,15歲的詹天文更問旁邊的參賽者︰「邊個嚟㗎?」事後她受訪時表示:「當李生行入嚟時,我第一個反應係問人佢係邊個,我真係唔識佢!」

另一位14歲參賽者姚焯菲說︰「我認得佢個樣,但就唔係幾知佢叫乜名,當佢介紹自己時,我就記得原來我爹哋成日聽佢啲歌。」《聲夢傳奇》15位參賽者平均年齡只得17歲,年齡最大及最細分別是25歲及14歲,其中兩位更是00後的參賽者,對入行35年的李克勤沒太深印象其實並不出奇,加上克勤近年專注發展內地巿場,難怪節目中他自嘲指跟參賽者見面,感覺猶如出席囝囝的生日會,克勤之後有作簡單自我介紹,並交代出道背景。為了拉近大家距離,克勤又自認「奶爸」,強調自己不是評判亦不是導師,純粹只會提出意見和指導,根本跟ViuTV《全民造星III》導師梁祖堯和林二汶被組員稱作爸爸媽媽的功能一樣。

讚祖兒唱《飛花》勝克勤

只是似乎年輕一代真的不認識克勤,克勤問到其中一位參賽者林智樂,為何之前揀他的著名歌曲《飛花》獻唱,林智樂卻說:「我睇過你同容祖兒嘅演唱會,我覺得容祖兒唱《飛花》好正!」竟然是讚容祖兒而非原唱者李克勤,就令克勤大為尷尬。而當森美問參賽者有沒有聽過或唱過李克勤的歌,參賽者雖個個舉手,但看來像被迫一樣。其中一位參賽者孫漢霖持續舉手,森美便邀請他唱一首克勤歌曲,他唱的卻是陳慧嫻的《儍女》。

當中有參賽者提到,記得克勤和譚詠麟合唱歌曲有「喊濕幾個枕頭」的歌詞,但疑唱不正發音將「喊濕」講成「鹹濕」,聽來亦不大尊重,但克勤看來不太介意,他又跟一眾參賽者分享自己當年的瘀事來勉勵他們:「嗰時我新新哋,去內地演出,見有個女歌迷排除萬難過嚟送花畀我,然後佢話『可唔可以幫我畀譚詠麟』。」令現場笑成一片。而指不認識克勤的詹天文其後可能想補鑊,在問答環節中問克勤:「你嘅美貌係咪由細英俊到大?」順利為自己打圓場,𠱁得克勤大為高興。

娛聞樂陪你走遍全球追星,即Like「娛果」FB 專頁!
BannerBanner