ViuTV五周年台慶大晒冷 
MIRROR獲杜琪峯激讚 𢱑拍黑社會喜劇

更新時間 (HKT): 2021.04.07 02:00

昨日是ViuTV五周年台慶,一班旗下藝人歌手大晒冷演出,台柱MIRROR壓軸表演後,獲大導演杜琪峯(杜Sir)上台大讚,雖然錯將MIRROR講成「Miller」,但他開心見到大班年輕人演出,覺得香港創意工業有希望,他又即場跟ViuTV董事總經理魯庭暉舉行合作儀式,MIRROR趁機𢱑杜Sir開戲:「最好杜Sir開套喜劇畀我哋12個人拍,或者係黑社會嘅喜劇!」

近日男子組合MIRROR在梅窩拍攝節目,因粉絲聚集受阻,有指最後楊樂文(Lokman)和姜濤出面,當場訓斥粉絲,其後MIRROR眾成員一字排開再呼籲,此舉除傷盡鏡粉心之外,更觸發公關災難。昨日ViuTV於九展慶祝台慶五周年,MIRROR擔任壓軸表演嘉賓。主持強尼似有意緩和鏡粉情緒,於MIRROR現身前,開玩笑說近日出街多了一班後生女熱情走近打招呼,並問:「有冇MIRROR演唱會飛?」之後強尼哼出歌詞「領導樂壇靠晒你哋,冇咗你哋我哋會死」,他說:「Fans從來冇死,正如杜Sir話香港電影唔會死,香港樂壇、香港電視都唔會死。ViuTV願意做最大產房,我哋希望為所有新星接生,可以健健康康咁成長。」然後一眾由ViuTV打造出來包括《全民造星III》頭三甲先後上台表演,MIRROR才正式登場。

生力軍湧現香港見前途

MIRROR表演後,杜Sir上台致辭:「我諗全日最老嗰個係我!我覺得上到嚟真係好似時光隧道咁樣,我嗰陣讀訓練班就好似你哋咁樣,嗰時1974年嘅時候,我覺得呢個日子,過去五年ViuTV喺電視界裏面,真係叫做闖到出嚟。我睇咗今日嘅節目,覺得年輕新一代好有機會,最尾壓軸嗰個叫Miller?好響喎個字頭,我都唔知乜嘢叫Miller,佢哋真係唔同,比我想象中唔同,我好少聽演唱會,呢次覺得幾OK。」杜Sir雖然講錯MIRROR變「Miller」,但仍獲全場鼓掌。他又深信日後會有更多好電影出現:「今日睇到ViuTV咁年輕、咁多生力軍,我覺得香港嘅娛樂事業、創意工業都好,係好有前途嘅,我梗係唔執輸!」原來他與ViuTV董事總經理魯庭暉傾合作成功,杜Sir笑言:「我梗係好高興啦!因為如果有得搞的話,即係我有得撈吖嘛!多謝你魯生。」隨後與魯庭暉宣佈合作,即場舉行儀式。

MIRROR之後接受訪問,對於新隊名「Miller」大表滿意,笑指MIRROR可能稍後改串法,問到會否想跟杜Sir合作?他們說:「梗係想,相信係全台嘅人夢寐以求事情,全港藝人都想有呢個機會。」至於想杜Sir開甚麼題材電影給他們參演?他們意論紛紛指:「最好杜Sir開套喜劇畀我哋12個人拍,或者係黑社會嘅喜劇。」

姜濤向Fans道歉認語氣重

談到跟fans之間的事件,Lokman話:「其實我覺得我哋已經處理咗。」他們再強調這個決定,並非節目組或節目主持梁祖堯的決定,純粹是他們12人的共識,姜濤說:「我都想同大家講聲sorry,可能我自己真係講咗一啲比較重嘅說話,如果再畀多一次機會我處理,可能我會再講得好啲。」而涉及事件的梁祖堯,被指當時非常惡地對待fans,昨日他心平氣和說:「我邊有惡過啫,都唔關我事,我揸住部機係做live畀花姐睇,花姐都要聽住佢哋講乜,如果有乜嘢都要諗點拆。」

而「一哥」強尼接受訪問坦言感觸良多:「公司喺三年前係外來嘉賓多,但係𠵱家有唔同主持、演員,連歌手都有埋,都覺得OK滿足。」對於最近無綫找曾志偉回巢救亡,問到會否覺得有威脅,強尼說:「呢大半年係有啲變化,出去做嘢,見到廣告客係多咗。」至於ViuTV與杜琪峯宣佈合作,強尼說:「唔好理有冇份參與,聽到戥公司好興奮!」

娛聞樂陪你走遍全球追星,即Like「娛果」FB 專頁!
BannerBanner