陳志雲突破TVB改革盲腸 向黎瑞剛獻計:撤換最高管理層

更新時間 (HKT): 2021.04.07 19:42

TVB大股東黎瑞剛接受傳媒訪問,狠批TVB五大缺失,包括:團隊及節目老化、內部山頭林立、管理層決策失誤等,黎瑞剛坦言對大台「不滿意,不滿意,而且是非常不滿意。」曾任TVB總經理的陳志雲,在其YouTube節目《黃昏短評》分析,認為黎瑞剛開腔大力批評TVB,相信是受到ViuTV的刺激,知道要急起直追。

陳志雲在節目中表示:「我大致同意佢以上嘅觀察,不過唔同意佢舉嘅例,製作內地青年人嘅創富故事,唔見得有幾大創意,但要睇你點包裝,佢嗰句呢類節目可以啟發香港年青觀眾,都唔算係做乜嘢宣傳,我有啲R頭,就算TVB打響旗號係為咗宣傳又何妨呢?已經好多呢類節目充斥着TVB,只係眼高手低,執行得唔好。」

至於黎瑞剛形容TVB「自己人娛樂自己」,陳志雲指出重點:「呢個只能怪TVB一直故步自封,總係擺出嗰款我同你合作,即係我益咗你嘅態度,呢份高傲唔係業界每一個人都能夠接受。」對於黎瑞剛提出的改善理念,陳志雲揶揄:「佢冇理由到而家才發現呢啲問題。」並認為要執行黎瑞剛理念的第一步,就是有人將會要離開這個機構,「乜嘢刺激咗大家忽然好似瞓醒一覺呢?我相信近年ViuTV嘅表現,可能都應該係一劑刺激劑,如果TVB真係改革成功,ViuTV 應記一功。」

陳志雲接受《蘋果》訪問,他認為黎瑞剛要改革TVB,必定要由管理層着手,「最高的管理層不撤換,TVB難以展開新的一頁,我覺得有點出奇,就是為甚麼他到現在才能夠睇到這些問題,雖然他初期沒有參與管理,但是以他的人物脈落,他是應該了解TVB面對的問題的。」陳志雲認為ViuTV最近的成績,是誘發TVB認真看待自己的問題,所以他們應記一功,「就好像花姐就是一個好的例子,她以前也是在TVB工作的,為甚麼轉了電視台,就能夠得到發揮呢?這就是一個應該好好思考的問題。至於我自己,我已經算是一個舊的電視圈中人,我相信我做的節目亦不會太適合TVB,但是我仍然希望香港的電視業能夠有美好的一頁,所以希望ViuTV加倍努力,繼續作為鞭策TVB的一股力量。」

而逃離大台多年的王喜,對於黎瑞剛狠批TVB,王喜在社交網抵死留言:「咁邊個係老闆?死㗎?廢㗎?」陳國邦被問到會否重返娘家拍劇?他以短訊回覆《蘋果》:「不想基於一個『如果』嘅問題去創作一個『如果』嘅答案,不如等『如果』的事件成真先啦!」問會否睇好TVB改革?他表示:「睇好,TVB都邀請咗我太太返去做節目啦!」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner