黃一山打官司追尾數

更新時間 (HKT): 2021.04.07 02:00
■黃一山近日在內地拍戲收不到尾數,憤而告上法庭。

黃一山(細龜)為照顧患有「腦白質發育不健全」的兒子,2003年移居內地生活,方便拍戲搵錢養家。細龜近日拍戲收不到尾數,對方卻反告他違約,細龜氣憤下告上法庭。細龜昨日向《蘋果》表示:「上年一口氣同內地一間電影公司簽咗十幾部電影,點知近日喺橫店拍完之後,電影公司尾數又唔畀。我從演三十幾年第一次打官司,錢其實唔多,只係八萬蚊人民幣,但我覺得太唔尊重人,過河拆橋,回程機票都唔買畀我,仲反過嚟話我違約,離晒譜,所以我到浙江省東陽市政府部門立案。」

此外,周星馳與朱茵拍《逃學威龍2》時撻着的傳聞近日被舊事重提,細龜確認此事,並謂星爺當時十分照顧朱茵:「後尾佢哋仲做咗男、女朋友!」

娛聞樂陪你走遍全球追星,即Like「娛果」FB 專頁!
BannerBanner