衛詩雅連身裙下滑險走光 日日𥄫住票房壓力大激瘦

更新時間 (HKT): 2021.04.07 15:51

衛詩雅今日身穿白色露肩連身裙,現身尖沙嘴出席美容院開幕,儀式進行期間見她不時雙手抽起胸前裙邊,胸墊乍現。

衛詩雅近期因新戲《不日成婚》上映,因為擔心票房,感到超大壓力,令她瘦了很多,「條裙已經比平時細咗兩個碼,都唔啱。壓力好大,每日睇住個票房好似睇股市咁,會追住睇入座率,然後去不同地方謝票,隨時stand by,好似要立刻出去救人咁。」電影上映一星期,衛詩雅說:「暫時票房還可以,有口碑,個個睇完都話開心。」

電影將會原班人馬開拍續集,衛詩雅日前帶同有份參演的5歲親姪女衛瑆妍現身首映,不經意踢爆曾見過陳家樂女友連詩雅,場面尷尬。今次會否再邀姪女參與?衛詩雅笑說:「唔敢再叫佢做訪問,嗰晚之後佢睇到咁多版面,講足一晚,話好多人訪問我,唔入行真係嘥晒,搶晒鏡。」此外,衛詩雅和美容品牌合作4年,每年均有開心價落袋,她表示集中接受脫毛療程,又笑稱以前是毛孩,唇上美人生鬚。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁