唐貝詩被監製要求減肥做道友 陳逸寧狂呻陪仔做功課辛苦

更新時間 (HKT): 2021.04.07 22:35

唐貝詩、陳逸寧、牛雜妹(李亦喬,原名李美琪)和陳達仁今日在荃灣為電影《毛俠2》舉行發佈會,唐貝詩透露在片中飾演道友,現時只有108磅的她,被監製要求要減肥,目標是100磅以下,「監製話唔要我健康瘦,仲要我瘦到冇肌肉,其實我本身勁辛苦先操到有肌肉,佢話可能4、5個月之後拍,而家仲係籌備緊,所以唔減住,我諗等佢定咗日子,一、兩個月前先開始減。」唐貝詩指自己有減肥經驗,亦會咨詢營養師。

減肥前會否盡情食?唐貝詩笑說:「我都想,減前應該要enjoy吓!」她又指角色最後要淪落到要瞓街,所以監製亦要求她一星期不可洗頭,「我諗到時應該係最熱嘅時候,但係咁樣做都會幫助到自己投入角色。」問到是否收很高酬勞?唐貝詩說:「唔係㗎!呢部係慈善電影。」她指上一次演出是今年1月的舞台劇《戀上十二星座》,當時因疫情影響,演期一改再改,可惜場館最後被政府勒令關閉,該劇只能改在網上直播,她說:「所以而家有戲做,我都好開心,好滿足!」

至於陳逸寧最近忙於宣傳電影《二次人生》,亦要照顧兒子,她狂呻:「仲忙過返學,日日要做功課,正常返學會派worksheet,而家要我自己畫,總之做功課係佔我最多時間。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner