張文采發燒4日往急症室求診 等足幾個鐘都冇人理

更新時間 (HKT): 2021.04.08 21:36

武漢肺炎在香港爆發第四波,雖然疫情近日較早前緩和不少,但今日依然出現10確診。疫情未得到全面控制,前TVB新聞主播張文采今日在社交網站透露因發燒不退而到了急症室,不過就等足幾個鐘都冇人理。

張文采今日在facebook表示近4日一直發燒,而且更出現「退完再燒」情況,故昨晚去急症室求診。正當張文采以為在疫情期間醫護人員得知有人發燒會好緊張時,「點知我等咗幾個鐘都冇人理我,咁我都相信我應該唔係中咗肺炎,因為我嘅症狀就只係有發燒,所以我最後無見到醫生就離開咗急症室。」

張文采表示雖然今日已去睇私家醫生,不過對方仍未回答她是甚麼問題,只是聽完肺後告訴她「肺冇事」及為她進行肺炎檢測,而明天亦會知道結果,「呢幾日就係咁攤咗喺屋企,好頹廢,冇胃口食嘢,輕咗幾磅,仲有啲工作cancel咗。」幸而張文采指昨晚停藥後已退燒,而自己的味覺亦未有消失,皆因她能在食意粉時食到她最討厭的香芹味道,又笑言今次因發燒輕了幾磅是「賺咗」。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner