衛詩雅憂票房瘦到甩裙

更新時間 (HKT): 2021.04.08 02:00
■衛詩雅瘦到甩裙,連影相都不敢大動作。

衛詩雅昨日在尖沙嘴為美容院擔任剪綵嘉賓,她身穿的白色露肩連身裙不時下滑,多次以雙手抽起裙子。衛詩雅解釋近期因新戲《不日成婚》上映,擔心票房感到超大壓力,所以瘦了很多,她說:「條裙已經比平時細兩個碼,都唔啱。我壓力好大,每日睇住個票房好似睇住股市,會追住睇入座率,隨時出去謝票,感覺似要立刻出去救人。」

而《不日成婚》將會原班人馬開拍續集,衛詩雅日前帶同有份參演的五歲親姪女衛瑆妍現身首映,小姪女不經意踢爆曾見過陳家樂女友連詩雅,場面尷尬。問到續集會否預埋小姪女?衛詩雅笑說:「唔敢再叫佢做訪問,嗰晚之後佢猛話好多人訪問佢,講足一晚,唔入行真係嘥晒,搶晒鏡。」

娛聞樂陪你走遍全球追星,即Like「娛果」FB 專頁!
BannerBanner