鄭中基公佈戶外演唱會細節 邀請仔女任嘉賓慘食檸檬

更新時間 (HKT): 2021.04.08 18:02

鄭中基(Ronald)正準備於4月23至25在中環海濱舉行的《Drive In Ultra – WEE are Ronald Cheng》演唱會,他今日在葵涌與製作單位開會,透露舞台設計等詳情。

Ronald公佈其演唱會舞台設計,台面有三幅巨型led螢幕,他表示照顧所有觀眾視覺感受,他笑言:「音響喇叭亦設有好多組,所以驚太大聲俾人投訴,亦設有catwalk天橋,畀我行出嚟同觀眾近距離見面,由於條天橋好長、舞台好闊,可能要唱三首歌先至行得完,所以我要求導演安排一架車接載我往返。」Ronald透露,他初出道時曾於台灣大安森林公園做戶外騷,感覺特別興奮,他說:「今次做戶外演唱會自己心情都好特別,今次效果同室內好唔同,亦可以放心玩大型煙花,又安排航拍、吊臂拍低整個演唱會,cover所有觀眾。」

一向關心香港的Ronald表示,香港經歷不愉快疫情,所以做一首勵志的演唱會主題曲《玩咗先至瞓》為香港打氣。演唱會其中一部分會用來記念病逝音樂人唐奕聰(Gary Tong)。今次戶外演唱會,車位門票已售罄,尚餘正常入座門票,Ronald表示,有預留一部份門票予低收入家庭、慈善機構及長者。

Ronald表示,曾詢問過一對仔女有否興趣做表演嘉賓,Ronald笑言:「佢哋話唔嘞!有車坐梗係坐喺下面睇,同埋我個仔好娿哿(音:啊個),又問有冇蚊,又問咁屙尿點,我話你用尿片啦,咁多嘢問!」其實細心的Ronald已為兒子準備好戶外用的小便器具。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner