6號尾場淚崩 同曾俊華共勉之 
RB泥鯭:同路人一齊行

更新時間 (HKT): 2021.04.08 02:00
■一連四場演唱會終於落幕,RB四子都說捨不得離開紅館。

樂隊RubberBand(RB)一連四場紅館演唱會「Ciao 2021」前晚來到尾場,許廷鏗、徐天佑、田蕊妮、卓韻芝與老公等人特地捧場。尾場氣氛特別熱烈,RB要三度安哥才能滿足大家。前財政司司長曾俊華在首場欣賞演唱會後,在社交平台引用RB歌詞寄語大家要抱有初心,RB受訪時竟表示感激前輩在時勢越來越艱難時,仍予以支持。

未來除口罩相見

今次RB演唱會每晚輪流剩下一人留在台上獨唱,前晚輪到泥鯭,他說到散聚:「個騷好沉重,但諗真啲,又唔係咁沉重,至少我仲生勾勾,我仲有家人、朋友、隊友、仲有同路人,我哋互相扶持,無論幾難嘅路都可以一齊行落去,所以面對散,我哋唔需要太傷感,我哋聽日返到去正常生活,不過香港都冇乜正常生活可言,anyway,我哋返到崗位後,我哋要懷住珍重嘅心去迎接每次聚首,我覺得咁樣先至可以好瀟灑去迎接每一次嘅別離。」他唱完《你會有一天學會面對》大叫:「香港人!」觀眾回應:「加油!」之後三子再上台,一起獻唱《發現號》等,6號大叫:「香港人加油!」6號唱到《未來見》,他表示希望未來可以跟大家除口罩相見,唱新歌《Ciao》的歌詞「說了再見,約定再見」,他終忍不住喊起來。

完騷後RB接受訪問表示很感動,6號指歌詞令他聯想很多事,尤其是亡母。他們曾透露近年有朋友退出訊息群組,6號稱感無奈:「有個朋友同另一個朋友嗌交,所以唱《山河故人》會聯想到嗰位朋友。」泥鯭指當6號唱《夏令時間》時,自己也喊過,因在長大過程中感受到欷歔。

未諗開Part Two

談到前財政司司長曾俊華之前於社交平台引用《未來見》歌詞,6號說:「好感謝佢嚟,我哋之前接受過佢嘅訪問,嗰刻我哋做咗朋友,我哋好有緣,之前都喺電台相遇過,所以邀請佢嚟,我哋好開心㗎,因為佢係長輩,引用我哋一句歌詞,喺心中嘅一句說話,時勢越嚟越艱難,我諗佢都係想同大家共勉,好開心佢都會聽流行曲。」他們平時會聊音樂,問有否考慮一齊夾歌?泥鯭笑說:「我驚我哋未夠資格!」另外,演唱會反應熱烈,但他們暫未打算開Part 2,6號笑言這刻最想吃雞煲。

娛聞樂陪你走遍全球追星,即Like「娛果」FB 專頁!
BannerBanner