張敬軒請阮兆輝唱南音 感嘆:可能00後都少聽我哋呢代啲歌

更新時間 (HKT): 2021.04.08 19:15

當有「00後」不知道誰是李克勤時,可能後生仔都唔多認識阮兆輝,現年75歲的輝哥是粵劇名伶,1992年曾在英女皇御前演唱南音,而南音是以廣東話表演的傳統說唱音樂,跟西方的rap有異曲同工之妙,有咁啱得咁橋,昨日有兩首合唱歌推出,分別包含南音和rap的元素,就是張敬軒x阮兆輝《魂遊記》及鄭欣宜x ANSONBEAN《@princejoyce (featuring ANSONBEAN)》。

軒仔請前輩輝哥合作演繹《魂遊記》,歌曲混合南音及廣東歌元素,緊貼娛樂新聞的軒仔攞「李克勤事件」自娛:「今次好開心同輝哥合作,機會相當難得,作為流行音樂歌手,自己都應該成為一道橋樑,令年輕朋友認識傳統藝術,可能『00後』都少聽我哋呢代啲歌,利用自己仲喺呢個行業,希望做多啲嘢。」網民都讚:「正呀!呢啲就係做實事傳承廣東歌,介紹南音!」、「Feel到藝術同文化嘅重量,勁呀張生,當然仲有阮先生。」MV找來《幻愛》的蔡思韵擔任女主角,雖然未有機會跟兩位前輩同場演出,但蔡思韵很敬佩兩人對音樂的熱誠,並讚軒用心保育南音。

而在《全民造星III》獲季軍的陳毅燊 (ANSONBEAN), 跟師姐鄭欣宜合作跳唱歌《@princejoyce (featuring ANSONBEAN)》,負責唱rap的 ANSONBEAN獲網民留言讚:「估唔到Ansonbean可以rap得咁好」、「Joyce & Ansonbean 正呀!」、「睇到我想學跳舞」,首次入錄音室的 ANSONBEAN坦言緊張,「之後就進入狀態放膽咁唱,嘗試花啲心思放多啲自己嘅方法入去,又試吓扮厚啲聲扮大隻佬咁唱,搞到好似演戲咁花工夫。」欣宜都讚師弟表現very good。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner