朱晨麗自稱好多嘢做 唔認殼王離巢被打入冷宮

更新時間 (HKT): 2021.04.08 17:51

朱晨麗、劉佩玥及鄧佩儀今日在將軍澳為節目進行綵排,身為TVB副總經理的曾志偉突然現身進行突擊檢查,朱晨麗表示因該環節是頭炮,故希望自己的表現不會令志偉失望,期望出街時令觀眾眼前一亮。對於節目被安排與ViuTV《最後一屆口罩小姐選舉》對撼,朱晨麗說:「良性競爭係非常好,(節目)除咗跳舞仲有好多Item。」她更透露表演時穿的舞衣「絕對係勁」!

有傳被殼王陳國強帶挈上位的朱晨麗,在對方離巢後被打入冷宮,朱晨麗聽後即否認:「有傳啫,根本係冇呢件事,演員係好被動,要睇吓有冇啱嘅角色同(檔)期啱先會畀你去做,其實我一路都有好多嘢做,有未上映嘅電影、電視劇,而家又綜藝,大家唔需要去諗咁多。」另外,同時亦有傳朱晨麗不與TVB續約,她說:「傳啫,信唔信呢,你哋自己放長雙眼嚟睇。」問到是否與大台仍有長約?她就表示不方便透露。

另外,同場的劉佩玥與鄧佩儀,被問到志偉返回大台後,是否多些演出的機會,劉佩玥說:「所有新嘅嘢同變化係好適合藝員同事,因為好多時我哋都係等緊唔同機會,想玩多啲,學多啲唔同嘅嘢,所以對我哋嚟講係好事。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner