野蠻奶奶黃文慧爆拍《嚦咕》NG 50次:劉德華喺鏡頭後提我都讀唔掂

更新時間 (HKT): 2021.04.08 18:14

被視為「野蠻奶奶」典範、人稱「Bonnie姐」的黃文慧,當日在電影《嚦咕嚦咕新年財》上,被梁詠琪稱為「老屎忽」,戲中一句經典對白:「你要乜我打乜叫做誅!你打乜我打乜先叫做鬆!」至今仍有不少人津津樂道。

Bonnie姐早前接受好友楊盼盼為香港開電視主持的《盼你賞面》訪問,提到當年趣事,Bonnie姐笑說:「有一個鏡頭,我要由3番開始數、講對白,3番幾多錢、4番幾多錢,拍呢個鏡頭等到天光先拍,當時個人好疲勞、又緊張,完全記唔到對白,Take咗成50次都唔得。」

結果阿仔劉德華出手幫阿媽:「佢都好錫我,揸住張紙喺鏡頭後面提我,不過我都係讀唔掂。死啦!咁點收科呢,最後導演好嘢,佢Close up淨係拍我個口,我可以揸住張紙嚟讀。」

Bonnie姐與楊盼盼在70代因合作《萍蹤俠影錄》而成為好友,當年入行年代比較坎坷,與公司簽約未夠一年,便遇上香港暴動,失去公司做靠山,沒有工作,惟有跟隨另一劇團到星馬泰登台數月,再回港到電視台面試,終於成為電視台演員,雖然至今只飾演「綠葉」角色,但Bonnie姐未有覺得不開心:「有份參與演出,任何角色我都會好滿意。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner