孫慧雪為減肥要增磅 鄭俊弘唔想再同星夢合作

更新時間 (HKT): 2021.04.09 16:49
鄭俊弘表示不會再同星夢合作。

孫慧雪(阿雪)成為人母後非常緊張身形,近日在網上長文解說自己的肥瘦經歷,揚言要「靚住瘦」的她現在要重新增磅再減肥,並找來林芊妤(Coffee)做導師。今日阿雪與鄭俊弘和何雁詩兩夫妻,到電台接受好友朱滙林訪問,一起分享「瘀」事。

跟Coffee做運動減磅

阿雪有感早前全面戒食澱粉質減肥速度太快,皺紋顯現,「瘦得太乾個人好攰,希望靚住瘦。最近同Coffee見面,佢叫我唔可以咁樣,一食返正常餐會好吸收,所以而家跟Coffee做運動,日前跑步一個鐘,瘦咗一磅。」阿雪非常羨慕Coffee擁有22吋纖腰,「我而家26腰,可以減到24吋都好開心。」阿雪又謂知道Coffee經歷小產之痛後,已即時送上慰問。

此外,藝訓班好友陳積榮患上肺癌正治病中,阿雪和對方亦有緊密聯繫,「佢做咗第二次化療,休養緊,有時下晏我有時間會去佢屋企幫手執屋,佢狀況比較攰,過兩日我都會帶啲食物去探佢,見佢好瘦,但意志力好強,一日比一日好,希望佢加油撐住。」

鄭俊弘和何雁詩透露在訪問中會互爆「豬事瘀事」,何雁詩試過在停泊於廟街的車上換裙,由於裙太鬆,落車一刻裙下滑落地,又驚險又尷尬;而她又試過煎牛扒時搶火到抽油煙機,搞到幾乎火燒廚房,場面嚇人。而鄭俊弘則曾試過在家中煮食後忘記熄火,乾燒煎pan,幸好被何雁詩發現及時制止,她笑說:「可能結咗婚想攞遺產!」鄭俊弘跟星夢已約滿,他表明不會和舊公司再合作,正在另覓新唱片公司,稍後會有公佈。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner