落選港姐陳苑澄被拉入偷食風波 抑鬱爆喊麥貝夷口窒窒避談

更新時間 (HKT): 2021.04.09 18:07

歌手麥貝夷2014年跟鍾一憲唱情侶歌《勾手指尾》為人認識,上月麥貝夷突然於IG即時動態有感而發,大爆前度「性伴侶的數量多得驚人」,同時趁對方生日送「大禮」細數賤男惡行,此post一出令人猜測「真正男主角」就是跟她傳過緋聞的藝人翟威廉。

昨天又有指麥貝夷再爆舊愛曾搭上好姊妹,裕美無辜成為「嫌疑人」之一,不過《蘋果》收到消息,指偷食的是另有其人,報料人指此人是落選港姐、前As One成員陳苑澄,關係錯綜複雜,今天麥貝夷於觀塘為網上音樂會綵排,並接受《蘋果》專訪,問到當時曾出現的第三者,是否陳苑澄?麥貝夷聽後停頓了一會才說:「呢一個......真係大家唔使胡亂猜測、唔使胡亂猜測、唔使胡亂猜測。我哋都好耐冇見嘞,我亦都唔知道其他人私生活。」

據知情者說:「麥貝夷同前度拍拖時一直甜蜜,麥貝夷有時會到佢屋企留宿,拍拖年幾,畀麥貝夷發現佢成日帶其他女仔上樓,而陳苑澄係其中一個,令麥貝夷心灰意冷,當時裕美一直相伴,仲介紹好友Edmond畀佢認識,佢哋拍拖曾到談婚論嫁階段,不過最後麥貝夷選擇翻撻舊愛。」

麥貝夷不願評論翟威廉私生活

提到前度男友的真正身份,麥貝夷沒否認當時人是翟威廉,更不願評論對方的私生活,不過她卻自責失敗豬兜:「除咗做live tour,其實近呢兩年都半淡出幕前,估唔到自己說話咁有影響力,自己都嚇一嚇,其實都係遇到個壞人,喺Instagram紀錄返,提醒返下次唔好再咁樣。其實自己係行內同行外嘅人都聽到嘅版本同我嘅版本好唔同,所以希望透過自己平台講返畀聽過呢件事嘅人知,因為我好介意,聽返嚟佢話我好單向、好纏擾佢,不過我哋相處係雙向、好sweet,呢點令到我好困惑,希望我嘅故事令大家看得見。其實都幾瘀㗎,我自己嘅情緒都受影響嘅時候,係咪都有啲同路人同我一齊圍爐取暖呢?件事發展到而家,我冇一個意思去指摘任何一個人。」

不過提到發現前度經常「偷食」,遇到賤男對她的傷害,麥貝夷不禁落淚說:「發現咗呢件事係好驚訝,已經不段喺我傷口灑鹽,每一次提我都好唔開心,發生咗嘅事發生咗,要傷害嘅都傷害咗,我知道我好蠢,希望可以學精,帶眼識人。」問到她前度性伴多,對她會否很苛索?發現對方如此濫情會否感到「骯髒」?麥貝夷尷尬說:「感受一定唔係太好。因為我本身工作都忙,我哋本身見面嘅時間唔係好多,都過咗去,都唔想深究原因。」曾經患有抑鬱症的麥貝夷,因此事導致長期失眠,她坦言現時正接受治療,醫生亦見議她服藥。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner