翟威廉上月借酒舖為麥貝夷搞生日P Naomi寸男方是張致恒2.0

更新時間 (HKT): 2021.04.09 16:34
IIG圖片

35歲麥貝夷在翟威廉生日當日在IG Story沒開名鬧爆舊愛,踢爆男友性伴侶數量多得驚人,翟威廉頓成嫌疑人物。事後翟威廉出席活動澄清自己從未跟麥貝夷拍拖,但就直認自己是正常人,一直有跟不同女伴拍散拖,當中包括有日本、韓國女性。自從爆出這單新聞,過往是翟威廉Happy Live常客的麥貝夷突然消失。

《蘋果》今日收到兩張報料相片,上月1日是麥貝夷35歲生日,當日她在翟威廉於佐敦開設的酒舖內開P慶祝,當時限聚令仍然生效,限四人一枱兼10時要暫停晚巿,但翟威廉願意借場給麥貝夷招呼朋友開P,彼此友情一定很深,相中看到壽星女猶如女主人招呼10多位友人,近日鬧爆張致恒借錢不還的𡃁模馮鎵瀠(Naomi)亦是座上客。想不到當日開心借場gathering後,翟威廉和麥貝夷已反目,再見不是朋友。

網民都對麥貝夷這單新聞大剝花生,她雖以受害者自居,不過網民並不是一面倒同情她,有網民揶揄她自作多情,連閨密裕美都叫麥貝夷去睇醫生。不過,有份出席上月1日P的Naomi卻不值好姐妹被插,她今日接受《蘋果》電話訪問時,狠插翟威廉:「我同佢唔係深交,亦都唔識佢,不過因為麥貝夷關係,我見過佢幾次,希望佢唔係『張致恒2.0』。」張致恒於2019年被轟一腳踏五船,遭舊愛群起控訴,他自爆有「性上癮」。

斥翟威廉身有屎

Naomi繼續撐麥貝夷:「我想為麥貝夷講番幾句公道說話,如果佢唔係身有屎,佢都唔使周圍搵朋友叫麥貝夷幫佢澄清,佢冇做錯嘢傷害過女仔,人哋都唔會WhatsApp度block佢,佢都要諗吓自己做錯咗乜嘢喇!」

麥貝夷上月的生日還開心跟朋友去翟威廉舖頭開P狂歡,不過大合照未見有店主翟威廉,Naomi說:「總之當晚我有見到翟威廉喺度,我哋大合照時,佢啱啱開緊live,之後佢都有同我哋飲酒。」可知麥貝夷和翟威廉拍拖?Naomi答:「佢哋冇特別介紹過,如果唔熟,點會成個場借畀人搞生日,全場嚟嘅人都唔識翟威廉。」

麥貝夷和翟威廉的地下情收得很密,《蘋果》曾拍到他們一齊買外賣,肩並肩離開,以前兩人糖黐豆時,麥貝夷會在IG主動tag翟威廉,她貼上性感相片,翟威廉也畀like和留言,自他們反面後,麥貝夷都unfollow了對方,大家劃清界線。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner