add名人時尚|菲臘親王穿西裝上下不同 鄧達智:前衛的英國紳士典範

更新時間 (HKT): 2021.04.09 21:10

皇夫菲臘親王今晨在溫莎堡逝世,享年99歲。 菲臘親王放棄希臘王位繼承權,並入籍英國,與女皇結婚73年,出席了2,2000多場公職活動。

菲臘親王年輕時高大帥氣,年老時打扮優雅自如,可說是英國最好的形象大使,亦是英國紳士優雅着裝代表。名設計師鄧達智(William)大讚菲臘親王樹立了英氣的新世代王子風尚,一洗英國王子陰柔之風,「佢本身亦有皇室血統,貴族氣息好強,前幾代嘅英國王子都唔夠男性化,好似之前溫莎公爵都係唔夠Masculine,比較陰柔。但Prince Philip本身好高大,又係運動健將,打扮上有一份英氣,着衫特別優雅挺拔,好有氣質。」

鄧達智指皇夫打扮不墨守成規,為當時傳統皇室的男士打扮帶來新風,「好似佢後生時成日和英女皇外訪非洲等地,好隨意咁着簡單嘅恤衫、短褲、懶佬鞋,呢啲係過去皇室唔會畀人見到嘅裝扮。」Classic西裝Look中也有新意,就是喜歡玩non-matching,菲臘親王穿的西裝,並非依足傳統正裝上衣及褲子配成一套,用同一布料,而是間中只是配色,上下不同質料,又或上下有少許色差,「呢個都係當時比較前衛、有自我主張嘅着法,唔係樣樣要好拘謹咁配成一套。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner