無綫地震丨余詠珊離職網民拍手歡送 狠批無綫不思進取

更新時間 (HKT): 2021.04.09 20:22

無綫短短數月內出現重大的人事變動,繼年初正式宣佈曾志偉、王祖藍空降無綫擔任高層,志偉入主集團擔任副總經理掌管綜藝、音樂製作及節目,王祖藍則榮升無綫首席創意官後,隨即余詠珊被削權全面踢出綜藝科,只出任推廣公司業務的助理總經理,而余詠珊老公、星夢CEO何哲圖亦宣佈離職。

日前,無綫大股東黎瑞剛狠批電視台的五大缺失後,《蘋果》昨日率先爆出副主席及行政總裁李寶安遭董事局要求提早退休,今天李寶安愛將余詠珊亦無得留低,月尾離職,惹來熱話。

伴隨着香港人成長的無綫出現人事變動,不少網民也議論紛紛,有指李寶安「被辭職」得太遲,更分析會計出身的李寶安曾在亞視任總裁,狠批電視台未肯創新,多年來不思進取:「唔想佢哋走呀...佢哋喺度先可以繼續頹。」、「李寶安最大問題,係以睇住盤數嘅心態嚟經營電視台,完全無開拓電子娛樂媒體嘅視野......由以前TVB多方面控制香港主流娛樂圈(樂壇、藝人、電視節目製作),變成今日被年輕人唾棄,真係非常失敗!有人話,大氣電波廣播嘅電視台,遲早被時代淘汰,唔關TVB經營手法事......但點解TVB唔可以喺十幾二十年前,利用當時佢壟斷嘅資源,去開發新媒體?睇返Netflix、YouTube、ViuTV,都係喺呢段時間發展出嚟嘅,如果當初TVB肯創新,應該起碼比競爭對手着數......所以講到尾,咪因為太保守,一心食老本,不思進取囉......」

而有網民又笑言「預測」前亞視主要投資者王征會接替李寶安位置:「咁可以肯定,之後搵返王征頂佢個位」;有不少網民認為最應該「被辭職」的是掌管新聞部的袁花(袁志偉的綽號),而余詠珊離職,網民也紛紛食花生:「余小姐都惡得耐囉,應該好多人想現場睇下佢面色。」、「有冇人影下歡送現場?好想睇。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner