舞台劇演員韋羅莎產女取名「宇澄」 老公張銘耀侍產︰望囡囡有個安定世界

更新時間 (HKT): 2021.04.09 17:37

現年37歲的舞台劇演員韋羅莎同舞台劇導演兼演員張銘耀於2001年結婚,去年宣佈懷孕。今日張銘耀在Instagram宣佈太太順利誕下囡囡宇澄(Mia)。張銘耀話希望「澄」字可以為囡囡帶來安定的世界。

張銘耀夫婦今日接受《蘋果》訪問,他們透露是昨晚入院,今早開刀產女,張銘耀有到產房侍產,他說︰「心情緊張,入產房陪太太。見到佢太太要受皮肉之苦,都肉痛嘅,開刀喺依照醫生指示。」他們話中文名是兩公婆共同創作,韋羅莎話︰「囡囡英文名叫Mia,至於中文名,我哋都鍾意個『澄』字,諗咗好多名大家都唔啱,到後來不約而同一齊叫咗『宇澄』呢個名,咁就搞掂咗。」張銘耀解釋二人喜歡「澄」這個字有不同諧音,同時有清澈、沉澱的意思,他說︰「代表佢嘅宇宙可以平靜,我諗呢段時間嗰社會、世界咁亂,都希望佢可以有一個安定的世界。」入院前兩公婆都忙於為下月公映的舞台劇《囍雙飛》排練,原定韋羅莎有份演出,因為要坐月,她的部份已預先拍好。同時又預錄了主題曲《又如初》,張銘耀補充謂︰「希望太太可以專心坐月,希望最尾嗰場可以上台。完咗呢套,我接住仲會導演黃秋生同朱栢康嘅舞台劇《Art》。」

兩公婆已找了一名經驗豐富陪月幫手,囡囡會先餵哺母乳。至於下月的母親節,相信都是靜靜在家食飯就算。問到會否再追囝囝時,張銘耀笑言「暫時未敢想」,而一旁的太太就猛叫「唔好」。

-

----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner