霍啟剛搞活動獲家人現身撐場 朱玲玲恨飲啟山新抱茶

更新時間 (HKT): 2021.04.10 18:01

霍啟剛舉辦的《敢動藝術啟動禮》今日在西九文化自由區舉行記者會,媽媽朱玲玲、太太郭晶晶、細佬霍啟山及兒子霍中曦均有到場支持,眾人亦趁周末享受家庭日。

霍啟剛指兒子好動,剛學懂踩單車不久,穿起一套「武裝」護服會覺得自豪,又透露明日會和兒子一起踩單車。今次活動以藝術和文化做主題,霍啟剛謂不會強迫兒女培養某種啫好,讓孩子自由發展:「阿仔都有玩劍擊,學咗一段時間覺得佢專注力好高,強過球類運動。」郭晶晶則指3個小孩也識游水,以往也常到泳池游泳,但因疫情泳池沒開放,二人慨嘆已很久沒游泳。

教育局早前宣佈復活節假期後復課,問到郭晶晶小朋友返學後會否較輕鬆?她說:「其實都係嘅,屋企冇咁多人,家中立即變得清靜,間中也會覺得輕鬆,但一家人熱鬧也開心。」之前霍啟剛踢爆有時太太教仔女會忟憎,她說:「個個阿媽都係咁,通常忟佢哋做功課。」霍啟剛自爆對小孩吃東西較着緊:「忟佢哋食嘢,成日含住喺口唔食。」他在家飾演嚴父,小孩通常被罵便撲向郭晶晶懷中,郭晶晶笑言小孩醒目會走過來,而活動中亦經常見霍中曦攬着母親。

感情隨緣

另外,目前單身的霍啟山表示暫時專注工作,感情事一切隨緣,反而母親朱玲玲就着急飲新抱茶,他說:「最近好忙,搞緊足球同電競合作,見到哥哥啲細路會好開心,佢哋好乖,但拍拖要隨緣。」而熱愛足球的他,求學時也有玩壁球,更是學校校隊:「我仲有考埋教練牌,以前都有教同學。」朱玲玲愛好影相和打羽毛球,但她強調不會強迫孫兒向哪方向發展:「我都係好遲先發覺呢啲興趣,以前冇乜專注,而家都係隨佢哋自己揀。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner