避談前As One成員撬牆腳 
麥貝夷淚控翟威廉「喺我傷口灑鹽」

更新時間 (HKT): 2021.04.10 02:00

歌手麥貝夷2014年憑與鍾一憲合唱歌《勾手指尾》廣為人識,上月她突然於Ig大爆前度「性伴侶的數量多得驚人」,並趁對方生日贈興細數賤男惡行,矛頭直指跟她傳緋聞的翟威廉,前日麥貝夷再爆前度曾搭上好姊妹,令裕美及陳苑澄先後成為嫌疑人物,裕美火速澄清並叫麥貝夷睇醫生,翟威廉採取封嘴態度說︰「唔關我事,冇回應。」但其後《蘋果》向麥貝夷求證男主角及第三者身份時,她沒否認是翟威廉及陳苑澄。

成日帶女仔上樓

前日麥貝夷爆料指前度搭上好姊妹,令裕美無辜成為「嫌疑人」之一,不過《蘋果》收到消息,指第三者其實是落選港姐、前As One成員陳苑澄。昨日麥貝夷於觀塘為網上音樂會綵排,她接受《蘋果》專訪時,問到撬牆腳的姊妹是否陳苑澄?她停頓一會連說了三次:「呢個……大家唔使胡亂猜測。」又指︰「我哋都好耐冇見,我亦唔知道其他人私生活。」

據爆料者說:「麥貝夷與前度拍拖時一直甜蜜,麥貝夷有時會到佢屋企留宿,拍拖年幾,麥貝夷發現佢成日帶其他女仔上樓,陳苑澄係其中一個,令佢心灰意冷,當時裕美一直相伴,仲介紹好友Edmond畀佢認識,佢哋拍拖到談婚論嫁階段,不過最後麥貝夷都選擇翻撻舊愛。」

提到前度男友的真正身份,麥貝夷沒否認當事人是翟威廉,更不願評論對方私生活,只自責豬兜:「呢兩年都半淡出幕前,估唔到個post咁有影響力,都嚇一嚇,其實都係遇到個壞人,喺Instagram記錄返,提醒返下次唔好再咁樣。我好介意聽返行內人講返佢話我單向、纏擾佢,我哋相處係雙向、好sweet,呢點令我好困惑,希望喺自己平台講返清楚件事。都幾瘀,自己情緒受影響時,係咪都有同路人同我圍爐取暖?發展至此,我冇意思指責任何人。」

「我知道我好蠢」

提到發現前度經常「偷食」及傷害她,麥貝夷落淚說:「發現時好驚訝,已經不斷喺我傷口灑鹽,每次提都好唔開心,要傷害嘅都傷害咗,我知道我好蠢,希望可以學精,帶眼識人。」問到前度性伴多,會否感到「骯髒」?麥貝夷尷尬說:「感受一定唔係太好。我工作都忙,之前見面時間唔多,過咗去唔深究。」她因此事導致長期失眠,正服藥治療。

場地提供:浪潮音樂Wave Music

娛聞樂陪你走遍全球追星,即Like「娛果」FB 專頁!
BannerBanner