TVB「狂野港姐」廖慧儀被指戀上空少:做乜個個男仔friend都同我一齊咗

更新時間 (HKT): 2021.04.10 13:08

有「狂野港姐」之稱的落選港姐廖慧儀(Jessica),自入行後是非多多,去年12月她的前男友Sam疑情困墮樓亡,有指廖慧儀背男友搭上無綫「後生仔」孔德賢,令廖慧儀受千夫所指。

廖慧儀一度被無綫叫停工作,又曾清空社交平台,閉關4個月,廖慧儀近日被指戀上空少新歡Ronald。今日有報道指,廖慧儀在今年3月,與空少Ronald在網上洩蜜,二人各自在IG Story上載去同一間快餐店的漢堡包相,Ronald更不避嫌在照片上寫上「拍拖」,公開情侶關係。廖慧儀曾經做過空姐,與Ronald是舊同事兼好朋友,Ronald無論樣貌和身形都較平實,但勝在識得投其所好,知道廖慧儀喜歡食漢堡包,便經常陪女方周圍覓食,才能成功追到女神。

Ronald今日下午在社交網發聲明否認,廖慧儀即時轉發,Ronald指自己當日是跟自己另一半一齊到尖沙嘴的快餐店用餐,同日較早時間,廖慧儀曾到同一間快餐店,強調二人只是「工作過一次的普通朋友和前同事關係」,還上載跟廖慧儀的對話截圖以示清白,並對失實報道保留一切法律追究權利。廖慧儀亦有留言:「#下次你同你bb食嘢干祈唔好tag我 #做乜個個男仔fd都同我一齊咗嘅 #誣衊要飲」。

不過,廖慧儀向來有「分享症」習慣,網上洩蜜已非第一次,她和孔德賢繼被發現行山背景一樣之後,今年1月懶理被網民鬧爆,又在IG Story各自上載餸菜相,明顯是用同一個爐頭,一齊玩煮飯仔洩親蜜關係。2男1女關係糾纏不清,對於新歡在網上認拍拖,廖慧儀回覆傳媒時表示「冇啲咁嘅事」否認新戀情。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner