曾志偉邀姜濤亮相TVB遭ViuTV魯庭暉拒絕 未正式收到余詠珊辭職通知

更新時間 (HKT): 2021.04.11 19:12

TVB出現人事大變動,被召回巢出任副總經理的曾志偉,今日在將軍澳電視城出席全新綜藝節目開鏡拜神活動時,談到大股東黎瑞剛狠批TVB老化急須改革,志偉自嘲本身也算是「老化」的一份子,所以未來2、3年要致力培育新血。

一直有傳他與余詠珊不和,曾志偉上任不久,余詠珊老公星夢CEO老公何哲圖便辭職,而前TVB總經理陳志雲也踢爆聽聞曾志偉過去是因李寶安而拒絕回巢,如今有指TVB副主席及行政總裁李寶安,將在5月26日股東會後退休,其愛將余詠珊也會在本月底辭職,對此志偉表示:「暫時未接到正式通知,所以我冇嘢可以回應。」

曾志偉執掌綜藝後,首個綜藝節目未正式製作已招惹是非,在記者會上搵藝人鄧智堅扮姜濤出事,笠假金髮自稱「薑蓉」,兼被司儀介紹為「假歌手」,志偉卻指:「盧海鵬年代已經開始扮嘢,希望大家唔好戴有色眼鏡去睇呢件事,事後我有約啲同事食飯,驚佢哋唔開心。」談到姜濤想上TVB節目,志偉笑言獲知後首日上班已即致電ViuTV高層魯庭暉,結果遭一口拒絕,「梗係唔得啦!老爺,遲啲再傾啦!」他直言會採取開放態度,像郭偉亮、羅敏莊之前現身過ViuTV,但都無需過冷河。

余詠珊自2011年上任掌管綜藝科後,即力捧自己友,邀請曾在亞視和有線合作過的洪永城、黃翠如、陸浩明、陳貝兒、衛志豪、田蕊妮、陳煒等過檔,而一直獲余詠珊提攜的陸浩明,今次在全新綜藝節目擔任12位主持之一,他被問到余詠珊的離職工作上會否受到影響?陸浩明說:「冇改變,志偉哥非常好,私下開會同我哋傾偈,對我哋啲後輩好提攜,亦好畀機會我。」

此外,方力申表示對上一次為TVB做綜藝節目是十多年前的《美女廚房》,他笑說:「講緊十幾年前,好耐,仲係錄影嘅,而家係Live,對我嚟講係挑戰,藝人應該多方面嘗試,疫情之後我都多咗留港,都想試多啲新嘢。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner