黃德斌開腔為背妻行山解畫 坦承搵舊愛掌管事業

更新時間 (HKT): 2021.04.11 14:16

月底便踏入58歲的黃德斌,近日被《蘋果》拍下與舊愛江玉儀(Ivy)頻頻約會,近兩個月來已先後約會4次,每次相處逾一小時,黃德斌太太Joyce昨日被問到此事,她看過老公密會舊愛的相片後說:「我唔識佢喎!」並表示完全不知老公陪人放狗:「我唔知喎,佢冇提起過。」

《蘋果》向黃德斌求證此事,他否認與太太的感情出現問題:「哈哈,我同老婆嘅感情冇問題呀,Ivy而家係我嘅經理人,呢樣嘢太太都知道,只不過佢哋未有正式見過面。」黃德斌與Ivy分手後,兩人再見亦是朋友,黃德斌表示自己在2017年離開TVB之後,找來Ivy擔任經理人,希望再創一番事業:「我哋成日都會見面傾吓工作,因為疫情嘅關係,周圍都有限聚令,變咗好多時我會去西貢搵佢,橫掂都係要做運動,咪順便去放吓狗。」至於會否擔心太太誤會?他說:「唔會喇,成件事都係得啖笑!」

黃德斌的前度Ivy是電影幕後,入行已經超過20年,在圈中人脈甚廣,先後跟王晶和馬偉豪多次合作,曾經參與的電影包括《賭俠》系列、《愛您愛到殺死您》、《下一站天后》及《新紥師妹》系列,近年她更為周星馳的電影擔任編劇。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner