Face To Face丨吳少芳癌細胞擴散病逝 李志剛哽咽悼好友

更新時間 (HKT): 2021.04.12 11:43

前組合Face To Face成員吳少芳(Jodi)離世,終年54歲。家人在其FB公告死訊,對於好友撒手人寰,DJ李志剛接受《蘋果》電話訪問時十分難過,哽咽表示Jodi是因癌細胞擴散病逝。

因車禍致終身癱瘓的Jodi,於3年前不幸確診癌症,人生再受到考驗,雖然Jodi積極抗癌,可惜最後未能戰勝病魔。跟她相交多年的港台DJ李志剛,收到噩耗十分傷心,他哽咽說:「上個禮拜見過佢一次,當時佢身體好弱,但鬥志好強,因為癌細胞擴散到身體唔同部份,好多佢嘅好朋友、屋企人全部去睇佢支持佢,大約兩三星期前,佢接受領洗,我哋喺佢身邊唱聖詩為佢祈禱,佢倒轉頭安慰返我哋,叫我哋唔需要擔心佢,佢係一個好有鬥志、好堅強、對生命好正向,朋友同家人都會延續佢正向嘅能量。」

李志剛透露,有次跟Jodi通電話,她還反過來安慰他:「Alex,我唔會咁快死,我好有生命力。」李志剛指當時Jodi身體其實很虛弱,但她沒有想過放棄,在人生的最後階段,還問醫生能否把標靶藥注射入身體,因為當時她病重得辛苦,連吞藥的能力都沒有了。李志剛說:「好希望佢屋企人節哀順變,希望未來日子喺天家同Jodi重聚。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner