梅小青送拉錢蛋糕賀媽咪生日 89歲梅太后見銀紙串笑唔停

更新時間 (HKT): 2021.04.13 12:49
IG圖片

梅小惠和姊姊梅小青昨日在IG貼出為媽咪賀壽照片和短片,四代同堂非常熱鬧,小青為89歲的壽星婆準備了可以拉錢出來的立體蛋糕,梅媽媽在女兒協助下,把一張張銀紙拉出來,身邊的梅小惠還問媽咪:「你眼唔睇?咩嘢嚟。」梅媽媽一臉驚喜,最先拉出是多張500元紙幣,其後又有100元紙幣,大家猛叫她繼續拉出,不要停,但因為串着的銀紙越拉越長,梅小惠即說:「唔好遮住阿媽個樣,摟住佢。」然後把銀紙串當頸巾繞在媽咪頸上,片中看到現場情況好熱鬧又溫馨,雖然四代同堂好多人,梅小青強調有依限聚令四人一枱。

梅小青又留言:「拉錢蛋糕出了很久,但我知媽咪未見過,所以秘密地為媽媽做了一個,果然媽媽笑逐顏開,媽媽開心,我哋就開心。祝福我哋嘅皇太后身體健康,開心順意每一天。」她還tag了「#每年都可以為媽媽祝壽是我們的福氣」,89歲的梅太后的確笑不攏嘴。

梅小惠則在IG貼出被媽咪攬到實的相片,梅媽媽一臉慈祥,母女好似樣。網民除了送祝福,還力讚梅小惠:「梅小惠姐姐咁孝順,陪媽媽一齊度過歡樂,敬佩佩服,是我們的學習榜樣,對媽媽親近啲好啲,一世人只得一個媽媽,估唔到梅小惠除咗做戲叻人靚之外,仲係孝順女,好正。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner