王貽興寸爆CCTVB與小矮人:唔好X阻住個地球轉

更新時間 (HKT): 2021.04.13 14:34

曾志偉回巢上任TVB副總經理,王祖藍擔任首席創意官,頭炮節目《開心大綜藝》前晚首播,被一致負評。王貽興也來湊熱鬧,今日在社交平台撰長文踩多腳,暗踩大台何止是弱台,「所以CCTBB唔係弱台,係弱智台。查實年紀大唔緊要,最緊要唔好成日想當年」,話中句句有骨,更寸爆曹永廉及蘇永康。

王貽興貼出一張翻攝的周刊報道,寫道:「有人搵返幾年前嘅報道畀我睇,我諗獎門人一係就有預言能力,一係呢,就飲大咗講漏咗隻字,冇錯,就係呢班所謂創意官欠缺嘅嗰個智字。所以CCTBB唔係弱台,係弱智台。查實年紀大唔緊要,最緊要唔好成日想當年,不思進取,盲目崇古稽古,將後生成功經驗無限複製,否定所有新嘢或者新興成功模式,但永遠老狗變不出新把戲,因為已經有錢上晒岸,所以脫晒節,自己又養尊處優回晒塘,就算後生成功過,而家都已經唔再了解。」

王祖藍、阮兆祥在《開心大綜藝》中扮女人被指既過時又胡鬧。王貽興文中也嘲諷,「究竟今時今日大家想要啲咩,想睇啲咩,活在平行時空,自我感覺良好,指點江山,妄想自己權力同影響力千秋萬世,真係以為自己任我行咩,不過講真,老海鮮唔算最可怕,最可怕係扮潮扮包容嘅吸血殭屍,就好似《狂舞派3》嗰個局長咁,話就話畀機會新血,其實就係吸緊後生仔嘅血,不斷採陽補陰,將佢哋捉入自己個衣冠塚度,做活人祭,赤裸扼殺創意同活力獻祭,收編建制之內,要佢做自己接班人。」

王貽興又疑暗踩曾志偉與王祖藍,「睇睇米奇點樣帶住矮過佢嘅七擒七縱七色狼,拍嘢搵食仲做埋首席創意官返入亂葬崗,你就知道,大把人對呢啲中國接班人積習競折腰,所以年紀唔細嘅我,每日慎之戒之同自己講,無論自己有冇權力或者影響力都好,都千祈千祈千祈(很重要講3次),唔好X阻住個地球轉。」

最後他還hashtag「#權力使人腐化 #年紀令人唔化 #反面教材 #每日警醒自己 #我要做最open最前衛嘅叔叔 #一見到蘇泳康嘈永cheap真係嚇到縮一縮 #早知我都搵個出名嘅外父嫁咗去入贅 #少奮鬥卅年 #或者吸毒勒戒令我人生更精彩 #唔好影衰上咗年紀嘅人 #老友記也可以好新潮 #唔好嫌我笑得大聲喎」。王貽興此帖文一出,則獲不少網民點讚。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner