姜濤Follow邊個唔係自己揀 AK爆MIRROR成絕緣體真相:份糧包埋

更新時間 (HKT): 2021.04.13 17:05

人氣組合MIRROR今日在旺角出席公開活動,吸引數百fans到場,據知今早5時已有fans到場霸位。MIRROR成員姜濤近日被指暗撻「YOLO女神」黃曉文(Candy,藝名黃曦誼),他今日澄清只是一場誤會,又口快快爆自己的社交平台所關注的對象「唔係自己決定」!

姜濤對於自己被指與Candy涉嫌在情人節前夕結伴夜遊中環荷李活道,並前後腳將街景相貼上社交平台的限時動態,姜濤立即否認:「係一個誤會,我都係睇報道先知佢嗰日都有行嗰度,嗰日我係跑步,經過每個地方我都會打卡,所以產生咗誤會,唔好意思。」姜濤強調跟Candy沒有拍拖,並表示跟對方只是因合作拍《戀愛要在生日前》而認識,當中還有隊友陳卓賢(Ian),但拍完後跟Candy沒見面,閒時只會在IG聊兩句。

為Fans取消關注女友人

有指Ian取消關注Candy,Ian解釋:「一嚟係異性,我IG follow嘅異性都唔多,當時合作係有follow,但私下冇乜聯絡,對於佢日常嘅動態,我又唔會follow到好足,所以就unfollow佢。」姜濤亦說:「我哋follow邊個,都唔係我哋自己決定,係公司……」

在旁的MIRROR經理人「花姐」黃慧君即接住講:「一定要follow我囉!」楊樂文(Lokman)幫手解圍:「以前未出道嘅時候都會follow好多人,但做咗公眾人物嘅時候真係唔方便,有啲真係要斬立決,好似新年大掃除咁,炮竹一聲除舊歲。」姜濤的另一隊友江𤒹生(Anson Kong)也開聲:「啱啱出道嘅時候,fans比較太愛我哋,佢哋會好留意我哋follow咗乜嘢異性,所以我都會unfollow一啲女仔朋友。」講到MIRROR看來要變成絕緣體,Anson Kong笑說:「OK嘅,份糧包埋!」

數百支持者逼爆旺角

另外,MIRROR早前因「梅窩風波」激嬲fans,更令一班「姜糖」嬲到話「捧得紅你,都可以踩低你」,令姜濤傷心。但就今日現場所見,各成員均有支持者站在活動外圍舉牌助威,當中以姜濤fans人數最多。由於行人路太狹窄,fans企貼馬路邊位置,更有女fans扶住燈柱爬高,只為親眼目睹偶像。

12子分三組出場,全場fans已起哄吶喊,有逛完商場的市民,搭扶手電梯時拿手機趁機影相,但被工作人員呼籲大家向前行,不要停留。現場在警車在場,呼籲fans們要保持適當的社交防疫距離,不過fans們未有理會。由於烈日當空,天氣炎熱,他們在旁邊要用小型風扇乘涼。

看到fans到場支持,相信12子已跟fans和解,Lokman和Anson Kong表示沒事:「有啲係會激進啲,但我又覺得冇乜事喎,反而我覺得關係好咗,因為同佢哋溝通完,大家講清楚,關係會親密啲,佢哋接收到、了解到、明白到,咁大家尊重會再高啲。」Lokman坦言剛才擔心fans安全,因為部份fans站在馬路邊,「所以我哋之前講嘅並唔係冇道理,因為真係危險,太陽又曬,大汗疊細汗,後面又有車,所以佢哋每次出嚟,我哋都會好擔心。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner