姜濤年接半百廣告稱王 踢走周柏豪夥拍阿Sa代言HPV疫苗

更新時間 (HKT): 2021.04.13 18:56

要數今期人氣最盛、搶到最多代言廣告的藝人,非紅到TVB都要「膜拜」的姜濤莫屬。現年21歲的姜濤自2018年憑ViuTV《全民造星》奪得冠軍後,廣告接踵而來,去年代言及宣傳廣告有成30個,成為廣告界新一代寵兒。而今年剛踏入第二季,姜濤已經推出22個代言及宣傳廣告,當中包括麥當勞、高露潔、滙豐保險、Dyson、卡地亞、肌研水等等,除了商業產品,姜濤近日還踢走大台藝人周柏豪,取代其原先與蔡卓妍(阿Sa)一齊代言的HPV疫苗大使,成為新一代廣告之王的姜濤,收入爆升。

膚色白滑的姜濤,吸引不少護膚品牌垂青,加上形象健康,今次亦取代近月積極向大陸表忠的周柏豪。阿Sa擔任HPV代言人已經15年,過去先後跟梁詠琪、鄭伊健及周柏豪拍攝HPV苗疫廣告,今年仍然跟廣告商續約,拍攝新一輯廣告,相反周柏豪被飛出,改用形象健康的姜濤。

姜濤是次跟阿Sa合作同一廣告,其實是分開地點進行拍攝,未有機會碰面,但姜濤趁自己完成拍攝後,親自到阿Sa拍攝場地探班,怕醜仔姜濤表示去到現場與阿Sa見面,緊張到腦中一片空白,要阿Sa幫手打圓場,阿Sa說:「好開心多個人幫手推廣HPV,預防HPV咁大嘅事,是要全人類都要去take action,所以應該要不同新面孔,合作宣傳有意義嘅事。」

姜濤到場探班卻表現緊張,他解釋:「阿Sa對我來講是前輩,又係影后級人馬,點知佢好nice主動打招呼,搞到我有啲唔好意思。」姜濤表示,未能與阿Sa同場拍攝,向前輩偷師而感到可惜。姜濤透露最近家人及朋友受到疾病困擾,讓他體會健康的重要,「我自己都會take action去預防,因為咁樣係對自己同將來嘅另一半應盡嘅責任」。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner